Подгответе ги марамчињата: Биле во брак 65 години, а починале држејќи се за рака

Понекогаш љубовта е толку моќна, што ниту смртта не може да ја уништи.

Крајот на љубовната приказна на овој пар кој бил во брак цели 65 години, не може да биде поемотивен.

По цели 65 години, тие двајца починале во временско растојание од само 40 минути, лежејќи еден покрај друг, држејќи се за рака.

Парот се запознал во 1948 година, на игранка. Од тогаш, па до последниот момент тие не се одвоиле.

Членовите на нивното блиско семејство тврдат дека Италвино (89) и Дива (80) во животот не поминале ниту еден ден раздвоени. Затоа, лицата во болницата имале разбирање и ги сместиле во два споени кревети, за да можат да се држат за рака.

Италвино примал терапија за леукемијата од која боледувал, а неговата сакана сопруга била на хемотерапија затоа што во април и бил дијагностициран рак.

Дива завршила прва во болница, но набрзо потоа и состојбата на Италвино посебно се влошила.

Италвино прв ги затворил очите.

- Кога тој почина, мојата тетка и шепна на мојата баба дека замина. Во тој момент таа стана многу посмирена. Како да и се отвори некоја посебна врата, како да планираше да заминат заедно, раскажува внукот.

Само 40 минути подоцна, и Дива ги затворила очите.

- Немаше да ја поднесат раздвоеноста. Никогаш не сум видел нешто слично на нивната приказна, вели внукот.

Целото семејство е во болка и тага, но во исто време чувствуваат и олеснување затоа што Дива и Италвино биле раздвоени само неполн час.