Како да го сочувате идентитетот во врската?

Колку и да ви е прекрасно во врската, сочувајте го вашето семејство, пријателите, соништата и верувањата кои ги имате.

Од овие работи никогаш не смее да се откажете, колку и да сте среќни:

1. Пријатели

Иако вашиот партнер понекогаш се лути кога ќе го споменете најдобриот пријател или најдобрата пријателка, тоа не е причина да се откажете од него/неа. Не заборавајте дека тие луѓе беа со вас и пред моменталниот партнер.

2. Семејство

Ако на еден од партнерите не му се допаѓаат родителите, браќата или сестрите на другиот, тоа може да биде сериозен проблем. Но, емотивните уцени никогаш не се решение. Внимавајте да не западнете во замката на речениците „Да се грижеше за мене, сега ќе беше тука, не со твоето семејство.“

3. Соништа

Продолжете да сонувате за она што го сакате, колку и да му се чини детинесто или невозможно на партнерот. Соништата се дел од вас, а ако се откажете од нив, на добар пат сте еден ден да се разбудите очајни.

4. Уверувања

Не го менувајте системот на вредности и погледот на светот. Ако по тоа прашање драстично се разликувате, променете го партнерот, а не вашите уверувања.

5. Физички изглед

Малите промени се сосема во ред, но ако тој или таа бара целосна промена на косата, телото и гардеробата, запрашајте се дали воопшто му/и се допаѓате.