Љубов или измачување: Правите разлика?

Ако се обидувате постојано нешто да си објасните себе и на својот партнер, тоа се веќе првите знаци дека имате некаков проблем во врската.

По секојдневното објаснување и недоразбирање помеѓу партнерите за сè има место освен за искрена насмевка и страст. Ако тој веќе не е оној покрај кој може да се смеете, не ве разбира, тогаш веќе не се работи за криза, туку  тешки моменти, лоши навики и залудна надеж.

Љубовта не треба да се поткрепува со лажна страст и вештачка насмевка.

Кога ќе сфатите дека веќе ништо не функционира, тогаш почнува пеколот. Зошто?

Навика  и имагинација. Кога веќе забележувате дека нешто почнува да се распаѓа и има проблем кој не сте успеале да го решите, нема потреба да се залажувате и да се надевате дека нешто ќе се промени, додека вие живеете во секојдневен пекол.

Во љубовта не постојат виновници. Партнерите се сакаат додека можат и додека уживаат во тоа. Нема солзи, нема патење. Штом почне тоа, љубовта се распаѓа. Нема потреба да се измачувате и да чувате вештачка љубов. Побарајте нов партнер, нова љубов, нова среќа. Сакајте се себе и бидете она што сакате да бидете.

Доколку успеете да ги надминете тензиите, обвинувањата, кукањето и патењето, ако прифатите дека најдобар крај е оној кој навистина доаѓа на крајот, ќе успеете да го надминете непријатното искуство на вистински начин.

Тоа е оној кога, без разлика колкава потреба чувствувате за невозможното помирување, ќе ја прекинете таа агонија, ќе го запаметите само убавото и ќе продолжите понатаму.

На крај, кога ќе го направите сето ова, кое воопшто не е лесно, но не е ни невозможно, сетете се дека љубовта постои само тогаш кога се смеете, разбирате и се радувате со својот партнер.

Многу работи во животот не можат да се добијат по секоја цена, особено не љубовта.