Принц на бел коњ или само коњ?

Девојките често забораваат дека животот не е бајка, а нивниот дечко не е оној принц кој го чекале цел свој живот. Но, девојка како девојка се заљубува и останува со коњот иако гледа дека не наликува ниту малку на нејзиниот замислен принц.

Дали вашиот дечко е вашиот принц на бел коњ или само коњ, дознајте преку неколку од овие разлики помеѓу принцот и коњот.

Коњот манипулира, принцот ви дава слобода

Коњот гледа само право, но кога се работи за вас гледа на сите страни и се обидува вас да ви го помати погледот, едноставно ве манипулира за сè и сешто.

Принцот ви дава слобода бидејќи си ја сака слободата и знае дека кога тогаш доколку ве манипулира, вие ќе го напуштите.

Коњот само зема љубов, принцот дава и не очекува за возврат

Коњот секогаш ќе ве тера да му докажувате колку го сакате, додека принцот секогаш ќе се труди да ви докаже колку ве сака тој и нема да побара ништо за возврат бидејќи знае дека љубов е кога даваш, а не бараш.

Коњот нема однесување, принцот има

Коњот како коњ се однесува како животно, пцуе, нема култура и не знае да се однесува во друштво, уште помалку во ваше друштво, едноставно нема однесување.

Принцот секогаш ќе се обиде да ви остави добар впечаток на вас и на луѓето околу вас, односно тој не се ни обидува, неговото однесување е вродено во неговата кралска крв која е ретка.

Коњот е љубоморен, принцот знае дека нема потреба од љубомора

Коњот ќе ви кажува како да се облекувате, како да се шминкате, со кого да се дружите, да не излегувате и слично, едноставно е љубоморен бидејќи знае дека е коњ и може да ве изгуби.

Принцот знае дека е принц и нема потреба да биде љубоморен никому, кога тој ве има, не му е гајле дали другите ве посакуваат, бидејќи знае дека само тоа и го можат.

Коњот ве прави да се чувствувате како кобила, а принцот како принцеза

Доколку вашиот сакан ве прави да се чувствувате непријатно во негово друштво на било каков начин, сигурно е коњ, за разлика од принцот покрај кој би се чувствувале како принцеза.

Девојки, во кој тип го пронајодвте вашето момче?