Аларм: Знаци кои ви покажуваат дека сте во врска со слабак

Постојат различни типови мажи кои може да ги поделите во неколку категории според тоа како се однесуваат кон вас.

Додека едни се фраери и ви покажуваат лажно внимание само за да се чувствувате убаво, други не знаат тоа да го покажат, а сакаат да го добијат од другата страна

Реално само слабаци и луѓе без самодоверба не се во состојба да сакаат. Но, за на време да ги препознаете постојат 6 знаци:

1. Не знае што чувствува кон вас

Можеби е пријатен и нежен, дури и страстен, но не е во состојба да ви изјави љубов. Или ако ви кажува дека ве сака, неговото однесување покажува нешто спротивно. Пораките кои ви ги праќа не се доволно јасни за да знаете што чувствува кон вас. Веројатно воопшто не знае што е љубов и како се покажува.

2. Не знае да покаже благодарност

Можеби не ја чувствува, а можеби и не му се допаѓа тоа што го правите за него, бидејќи не сака да се чувствува должен кон никого – недостаток на благодарност во неговиот емотивен живот покажува на недостаток на некои основни вредности на кои се засноваат. Обрнете внимание, веројатно не е таков само кон вас, туку и кон пријателите и семејството.

3. Се повлекува и се затвора пред вашите молби

Колку повеќе се трудите, толку повеќе тој се однесува како под опсада. Го нервирате и вие и вашето внимание, па никако не го мотивирате да ви возврати на ист начин. Залудно е да го освојувате, бидејќи и кога ќе ви успее, нема да наидете на великодушност, широк дух и раскошни чувства. Тој се брани, бидејќи стравува дека ќе му го одземете и она малку што го има.

4. Ве мрази кога плачете

Кога покажувате дека сте повредени или вознемирени, не ве прегрнува, не ви дозволува да се исплачете и да ве утеши. Го нервирате, бидејќи поради вашиот излив на емоции тој се чувствува непријатно, а многу е веројатно дека штом се однесува така, од тага ќе ве натера на перзир и бес.

5. Нема иницијатива

Ако чекате тој да смисли нешто во што ќе уживате заедно, побрзо ќе го дочекате судниот ден. Но, секоја жена во таква ситуација ќе сфати дека е сама во врската со слабак и дека тоа не ѝ е потребно.

6. Носи одлуки само под притисок

Дали сте подготвени постојано да го притискате додека не полуди и одлучи да направи нешто, па макар и тоа што вие го сакате? Кога ќе сфатите дека ви се нарушува самодовербата и дека ви е досадно постојано некого да притискате и да му ги вадите зборовите со клешти, она што би требало своеволно и самоиницијативно да го даде и направи, ќе сфатите дека сте потрошиле сè што сте имале за да вложите во врска со некој што нема храброст и срце да ја запознае љубовта.