5 знаци дека сте ја преболеле старата врска и сте подготвени за нова

По болното раскинување и враќањето на статусот сингл, следува желбата за започнување на нова врска. Меѓутоа, поентата е да го дочекате вистинскиот момент за тоа.

Со помош на овие 5 знаци уште денес можете да откриете дали сте подготвени за нова љубовна врска или само сакате да му/и се одмаздите н бившиот/та.

1. Веќе не сте му/и лути

Заборавивте, без да си држите лутина на душата? Помислата дека утре ќе го/ја сретнете низ град не ви претставува непријатно чувство, ниту пак се мислите како ќе постапите? На добар пат сте.

2. Веќе не го/ја спомнувате додека зборувате со пријателите

„Никогаш не би го направил/а ова“ или „Никогаш не се грижеше за ова“ и ред други слични реченици веќе не би требало да се слушаат од вашата уста. Нема подобар знак од премолчувањето дека навистина сте ја преболиле претходната врска.

3. Добро ви е кога сте сами

Дури и кога ќе излезете сами, среќни сте кога ќе се вратите изморени од танцување и смеење, а не од кавги и плачење. Всушност, полека сфаќате дека многу сте посреќни откако сте без него/неа.

4. Знаете што сакате

Овде се работи за тоа дали сте свесни колку вредите и колку ви се реални стандардите. Со други зборови, не се залажувате и не се согласувате на помалку од она што заслужувате само за да не бидете сами подолго време.

5. Завршивте со очекувањата

Веќе не сте разочарани и се ослободувате од она грозно чувство на постојано чекање. Оптимисти сте дека ќе најдете добар партнер, но сега барем завршивте со очекувањето дека некој треба да ве направи целосни.