Најнискиот пар во светот - пониски се од 90 сантиметри и живеат нормален живот

Пауло Габриел да Силва Барос и Катјучиа Хошино од Бразил е парот кој ја носи титулата „најнискиот пар во светот“.

Двајцата се пониски од 90 сантиметри, односно Пауло е 88 сантиметри, а Катјучиа е 89 сантиметри висока.

Парот се надева дека ќе се најде во Гинисовата книга на рекорди.

Двајцата се познале преку социјални мрежи пред околу 10 години, односно четувале на МСН. Два месеци подоцна тој поминал 300 километри за да стигне до родниот град на Катјучиа за да се запознаат. По 4 години врска започнале да живеат заедно.

Пауло, 30 е роден со џуџест раст, додека Катјучиа е родена со ахондроплазија, исто така џуџест раст што влијае на растот на коските.

Сепак, и двајцата велат дека живеат среќен и нормален живот. Тој работи како приправник, додека неговата сопруга има свој салон за убавина.

„Се правиме како сите останати, со тоа што имаме мали потешкотии со јавните места кои не се приспособени за наша висина. Пример, банкоматите се направени само за луѓе со нормална висина,“ вели Пауло.

Катјучиа пак, вели дека единствен проблем и се домаќинските обврски затоа што лавабото, шпоретот и машината за перење не се прилагодени за висина како нејзината.

Сепак, и двајцата тврдат дека живеат прилично нормален живот, со исклучок на луѓето кои понекогаш им се смеат на улица.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. Д. | Црнобело