Каде водите љубов?

Токму тоа може да го откриете на новиот веб сајт "IJustMadeLove.com", кој ја комбинира GPS технологијата и картите на Google од целиот свет.

 

Страницата ја дизајнирал еден млад полски компјутерски експерт, 26 годишниот Cyprian Ciećkiewicz.

Младиот експерт ја добил таа идеjа додека се возел низ Варшава и западнал во сообраќајна гужва. Додека му било досадно низ главата му поминувале разни идеи, од кои една била токму оваа.

Тој размислувал каде се низ светот луѓето водат љубов додека тој седи со часови во својот автомобил. Веднаш започнал со изработка на веб сајт кој бил отворен пред еден месец.

За многу кратко време веб страната станала многу популарна и на неа се вклучувале луѓе од Азија па се до Лас Вегас.

Во моментот страницата има 78.000 членови, а секоја секунда тој број се зголемува. Правилата за користење на оваа страна се многу едноставни и јасни.

Се' што треба да направите е да ја посетите, да ја впишете својата e-mail адреса и во моментот кога водите љубов да се логирате на вашиот e-mail.

Локацијата се одредува според GPS. Kако дополнителни можности ви се препуштени пишувањето на вашиот пол, положбата во која водите љубов и дали користите заштита.

http://www.ijustmadelove.com/