Магична фотка од запросување под поларна светлина

Дејл Шарп и Карли Расел првпат ја откриле својата заедничка љубов кон неверојатните пејзажи пред 7 години, па логично е запросувањето да се случи на една од најпрекрасните локации на планетата Земја.

Под небесниот танц на светлината на ноќното небо, Дејл решил да ја запроси својата девојка и нивната фотографија дефинитивно е посебна.

„Едноставно ми дојде во глава, сакав да направам нешто големо, нешто различно и драматично“ – вели Дејл, од Австралија.

И дефинитивно, неговата идеја е прекрасна:

Бидејќи и двајцата се професионални фотографи, Дејл мислел дека вакви фотографии најубаво ќе ја прикажат нивната врска и тоа што заедно сакаат да го прават.

„Откривме дека Норвешка е местото каде за неколку вечери ќе има убав поглед кон Аурора Бореалис, па решив да ја искористам шансата. Клекнав на едно колено и ја измамив да помисли дека правам селфи, бидејќи цело време ме брзаше да фотографирам за да не ја пропуштиме шансата за добра фотографија“ – објаснува Дејл.

Но, ова не е првпат како тој сакал да ја запроси Карли.

Откако заштедил 4.000 долари за веренички прстен минатата година, тој сакал да ја запроси Карли во Исланд.

Решил да го чува прстенот во крема и случајно го фрлиле:

„Моравме да скратиме на тежина, бидејќи патувавме со мал авион од Велика Британија кон Фарските острови и случајно кремата заврши во канта за отпадоци. Некаде на светов, буквално има прстен во канта за отпадоци...“ – вели Дејл.

Н. Г. | Црнобело