Тренд кој загрижува: 80% од луѓето раскинуваат на овој ужасен начин

Се сеќавате кога смислувавте што побезболен начин за да ја прекинете врската?

По сè изгледа, тие времиња се далеку зад нас, бидејќи новите истражувања откриваат пораст на еден загрижувачки тренд за прекинување на љубовните односи, кој нема да ви се допадне.

Имено, во последно време е сè поголем бројот на врски во кои партнерите не раскинуваат на некој од вообичаените начини, како што се караница, мирен и искрен разговор, долг е-маил, па дури и СМС порака.

Наместо тоа, само исчезнуваат како духови.

Независно од тоа дали сте маж или жена, веројатно и самите сте доживеале таквa непријатност. Во еден момент сте мислеле дека сè е во најдобар ред со вашиот однос, а веќе во следниот миг - партнерот или партнерката само исчезнале, па никогаш повеќе не се јавиле.

Значи, зборуваме за ситуации во кои ниту една најобична порака не следува потоа, како „жал ми е, не е до тебе, до мене е“, туку само исчезнување. Понекогаш, тоа боли и нервира многу повеќе од самата одлука, прашувајќи се: како некој има срце за да направи такво нешто?

Но, одговорот е - имаат многумина, затоа што споменатото истражување открива дека дури 80 проценти од младите, на возраст помеѓу 18 и 33 години, барем еднаш во животот биле оставени без никакво објаснување.

По сè изгледа, денес овој начин се смета за најлесен и најбезболен, но дефинитивно не е така.

Ако сте моментално во врска и размислувате за прекин, немојте да бидете дел од оваа лоша статистика. Бидете човек!

М. А. | Црнобело