3 знаци дека мажот не глуми недостижност, туку едноставно не ве сака

„Само глуми дека е недостижен за уште повеќе да се потрудиш!“ – реченицата која жените ја слушнале веќе премногу пати, а најчесто нема врска со реалната ситуација.

Мажите не глумат дека се недостижни, само затоа што сакаат што подобро да ја „уловат“ жената која им се допаѓа.

Ако се однесуваат незаинтересирано, најчесто и навистина се, а ова се знаците дека и вашиот партнер е токму таков – незаинтересиран:

1. Не се јавува прв

Жените имаат неверојатна способност да ги прикажуваат нештата такви какви што не се, а кога е комуникацијата со мажите во прашање, таа уште повеќе доаѓа до израз. Ако секогаш се јавувате први, а тој само пристојно ви одговара, едноставно не е заинтересиран.  

2. Се гледате само во доцните часови

Мажот кој не е заинтересиран за врска, не значи дека е незаинтересиран и за секс, што жените честопати потполно погрешно го интерпретираат. Доколку се гледате само во доцните часови, во вашиот или неговиот дом, тогаш јасно е дека ве доживува само како личност за секс.

3. Секогаш е презафатен

Ако сака да ве види, мажот ќе се потруди и ќе се ослободи од својот распоред. Ако, пак, не сака да ве види, тогаш ќе ви рече дека има работа. Тоа е само пристоен начин да ви каже дека не е заинтересиран.

М. А. | Црнобело