Славни парови кои докажуваат дека љубовта може да опстои и без брак

Луѓето се запознаваат, се заљубуваат и се венчаат. Но, дали е секогаш бракот неопходен?

Има многу парови кои се долго време заедно, нивната врска е исполнета со љубов, па дури имаат и деца, но не сметаат дека мора да бидат во брак.

Погледнете кои славни парови веруваат дека за среќа и силна врска, не е потребно истата да се официјализира:

Шакира и Жерар Пике

Шакира и нејзиното момче, фудбалерот Пике, се заедно 7 години и имаат 2 сина, но сѐ уште не се во брак.

Голди Хоун и Курт Расел

И покрај фактот што овој пар е заедно повеќе од 3 децении, тие не се брзаат да се регистрираат. „Се сакаме и секако, како секое семејство некогаш се караме, но сакаме да бидеме заедно.“

Тина Тарнер и Ервин Бах 

Да бидеме искрени, овој пар не се вклопува целосно со сите останати, бидејќи тие во 2013-та се венчаа. Но, тие беа во врска 27 години пред да ја официјализираат истата.

Ева Мендез и Рајан Гослинг

Како и многу холивудски парови, така и Ева и Рајан се запознаа на снимање. Иако во текот на овие години имаше гласини за нивно раскинување, сепак тие имаат 2 прекрасни ќерки, а тоа значи нешто.

Ана Курникова и Енрике Иглесијас

Руската тенисерка и пејачот беа мета на многу гласини кои се ширеа за брак, па за разделување и за бременоста на Ана. Но, по сѐ изгледа, Ана и Енрике се сѐ уште среќни заедно и немаат намера да променат нешто.

Опра Винфри и Стедман Грахам

Опра и нејзиното момче, бизнисменот Стедман, се заедно повеќе од 30 години и имаа во план да се венчаат уште во 1992, но очигледно се предомислија. Таа ова го објаснува со фактот дека се задоволни од својата врска и немаат потреба од брак.

Наталија Водјанова и Антуан Арно

Кога се запознале, Наталија била сѐ уште во брак со Џастин Портман. Сега таа и Антуан се заедно 6 години и имаат 2 заеднички деца и 3 од нејзиниот прв брак.

М. М. | Црнобело