Лаги кои девојките толку често ги кажуваат, што дечковците не ги ни забележуваат

Свесни сме дека лажењето не е за пофалба. Знаеме и дека не сакаме некој било кога да нѐ лаже. Меѓутоа, вистината е дека (речиси) сите лажеме...

Го лажеме шефот, колегите, другарите, пријателката, родителите, и, секако – емотивните партнери. Според некои истражувања, не постои ни ден без барем една изговорена лага. Но, тоа се сепак мали, безопасни лаги, без позначајни последици.

Лажеме за да се одбраниме, да не бидеме повредени, или, пак, самите да не повредиме некого...

А, кога се припадничките на понежниот пол во прашање, неретко се служат со неколку лаги во комуникацијата со партнерот. Колку и да сте искрени во врската, веројатно и самите ги имате кажано повеќепати.

Во продолжение, ви ги споделуваме најчестите женски лаги, како и нивното вистинско значење:

Лага бр. 1

Кога таа вели: „Ми треба уште само 5 минути!“, а тоа всушност значи: „Ако баш се потрудам и побрзам, готова сум за 15 минути.“.

Лага бр. 2

Кога таа вели: „Не сум љубоморна.“, а тоа всушност значи: „Не ни помислувај уште еднаш во животот да се завртиш по некоја жена!“.

Лага бр. 3

Кога таа вели: „Не сум гладна.“, а тоа всушност значи: „Нема да бидам гладна, додека ти не ја ставиш својата чинија пред тебе.“.

Лага бр. 4

Кога таа вели: „Само се шегував.“, а тоа всушност значи: „Не, тоа не беше шега. Но – како што гледам по твојата реакција – подобро би ми било да не признаам.“.

Лага бр. 5

Кога таа вели: „Не сум воопшто лута.“, а тоа всушност значи: „Се разбира дека сум лута. И, како тоа, по ѓаволите, го забележуваш дури сега?!“.

Лага бр. 6

Кога таа вели: „Преуморна сум денеска, не можам да наминам до кај тебе.“, а тоа всушност значи: „Испружена сум во тренерки или пижами на троседот, масна ми е косата, јадам пуканки, легачам и гледам филмови. Накратко – имам малку мир за себеси, а ти си утре на ред.“.

М. А. | Црнобело