Интимни исповеди на парови: Што ни го уништи сексуалниот живот?

Како доаѓа до тоа да страствената љубов помеѓу партнерите, одеднаш само исчезнува? Неколку двојки го споделија своето искуство, а врз основа на нивните грешки, научете што треба изнегнувате и во вашата врска.

На почетокот љубовта цвета. Силна е и желбата да го поминеме целиот живот со партнерот.

Меѓутоа, по години и години заедно, тоа чувство речиси целосно избледува.

Бракот станува само обврска, а желбата за блискост се претвара во желба за бегство.

Зошто? После колку време настапува моментот, кога еден од партнерите веќе не сака телесен контакт? Дознајте од искрените одговори на четири пара, кои ја раскажаа својата интимна исповед:

„Сексот прерасна во должност!“

„По неколку години брак, се поретко и поретко имавме секс. Во еден момент, дојде до тоа да имаме точно одредени „задолжителни“ термини за секс – за годишнината или родендените. За исполнет сексуален живот, потребна е страст и малку разиграност. Кога тоа ќе се изгуби, желбата за секс постепено целосно се губи.“

„Нашата врска стана еднострана.“

„Во еден момент, јас бев единствената која се уште се трудеше околу врската. Имав чувство како постојано да давам и давам, додека од него ништо не добивав. Тоа ми беше страшно напорно. Па, дојде денот кога веќе не сакав да му „давам“ ни секс. Неговото детинесто однесување и неснаодливоста, комплетно ме одбиваа. Единствено можев да го доживеам уште како дете - а тоа не е ни малку секси.“

„Никогаш не беше расположена.“

„После раѓањето на нашето второ дете, мојата (сега бивша) жена сосема ја изгуби волјата за секс. Едноставно, таа никогаш не беше расположена. Неколкуте килограми вишок, или, пак, влакненцата на нејзините нозе, мене воопшто не ми пречеа. Но, кога постојано слушаш –„Моментално немам баш волја!“ – еднаш мора и тебе да ти спласне волјата.“

„Своите желби не можев да ги остварам со нејзе.“

Не сум баш горд на тоа, но во еден момент почнав постојано да размислувам и да мечтаам за одредени работи во кревет. Беа мошне „безобразни“ работи, па не сакав да ги испробам со партнерката, бидејќи тоа ќе ја уништеше мојата слика за неа. Подоцна, своите фантазии почнав да ги исполнувам со други жени.“

М. А. | Црнобело