Знаци кои ако се претворат во редовно однесување укажуваат на токсична врска

Многумина сонуваат за љубов како на филмовите, но реалноста е дека тие се многу ретки.

А, за да се оствари тоа, треба навистина да се потрудите.

Па, водејќи се по таа замисла, партнерите стануваат зависни еден од друг, несвесно уништувајќи ја врската.

За сè постои мерка и кога ќе се претера се добива спротивниот ефект.

Ситуации и однесување кои укажуваат на зависност во љубовта и треба да престанете да ги правите ако се пронајдете:

Загрижени сте кога не е тука

И ова важи за секое излегување на партнерот од дома – вие мислите каде е, со кого, што прави, дали е добро, дали некој ќе му направи нешто или можеби ве изневерува.

Во главата си замислувате стотици сценарија, а тоа е еден од знаците за токсична врска.

Контролирате сè

Го проверувате секој негов чекор, ги истражувате сите сомнителни ситници, ги проверувате неговите пораки и социјални мрежи? Очигледно е дека сте опседнати...

Се однесувате како тој што сака

Ако постојано криете дека не сакате да правите нешто или да имате стил каков што тој посакува, не се лажете дека покажувате флексибилност и дека балансирате во врската. Тоа е лудост.

Се надевате дека вашата љубов ќе го промени

Ако веќе има нешто што ви пречи, независно дали е сериозен проблем или банална навика, не се надевајте дека ќе го промените тоа кај партнерот на 50 години.

Или прифатете го и никогаш повеќе не се обидувајте да го менувате, или разговарајте за тоа навреме без да имате лажна надеж.

Немате време за никој и ништо друго

Ова не важи за почетокот на романтичните врски кога е нормално да бидете повеќе со партнерот.

Доколку ова продолжи понатаму, ги запоставите пријателите и сакате да бидете само со него, заборавајќи на сè останато, или уште полошо, ако тој ви забранува контакти, ситуацијата е алармантна.

Се откажувате од целите

Вие редовно ги исполнувате сите негови желби и го поддржувате и во работи што не ви се омилени, а тој не сака да направи ништо за вас и вашите цели и желби не ги сфаќа сериозно.

Или пак, ги запоставувате вашите планови кои сте ги направиле одамна, само за да се посветите на него? Преиспитајте се себеси.

Се плашите да бидете сами

Најлошата причина за да останете со некој што не сакате и не ви одговара. Не се плашете. Секогаш можете подобро. Потрудете се и оставете го оној кој ја спречува вашата среќа.

М. М. | Црнобело