Не му глумете мајка: 6 улоги што не треба да ги играте со вашиот партнер

Престанете да го карате за лошите потези во животот, како мајка, или постојано да барате помош од него, како мало девојче!

Жените често несвесно играат различни улоги пред нивниот партнер. Некогаш се нежно девојче, друг пат строга мајка.

Но, некои од овие улоги може да ја уништат вашата врска:

Несигурна

Научете достоинствено да ги прифаќате комплиментите.

Кога партнерот ќе ве пофали само заблагодарете му се, наместо да велите дека не сте доволно добра, не сте доволно убава, не сте доволно слаба итн.

Мајка

Престанете да ги користите фразите што ги користи неговата мајка. Тоа ќе го иритира вашиот психолошки созреан партнер.

Кога треба да јаде, а кога треба да се потстриже, сигурно знае и сам.

Мало девојче

Не очекувајте ако се лигавите и го правите тонот на гласот нежен како на мало девојче, тој ќе дојде да ве спаси.

Не сте му ќерка, па не се однесувајте како мало беспомошно суштество.

Спасител

Доволно беше со вашите спасувачки мисии. Ако партнерот е пијаница или неработник, оставете сам да ја пронајде својата инспирација за промена, а ако не успее тогаш заминете си од оваа врска.

Жртва

Постојано се жртвувате себеси за врската и правите работи кои му се допаѓаат на партнерот само за тој да биде среќен.

Улогата на жртва е штетна за вас и непривлечна за другите.

„Крпа за чевли“

Вашиот партнер постојано се обидува да си ја подобри самодовербата така што ве навредува и понижува вас.

Немате никакво достоинство и постојано се чувствувате ужасно. Дефинитивно не заслужувате ваков третман, заминете си од оваа врска.

С. С. | Црнобело