Зошто мажите ги изневеруваат своите презгодни жени?


Зошто мажите ги изневеруваат своите презгодни жени?

Бијонсе и Џеј Зи. Џенифер и Бред. Викторија и Дејвид. По секоја прељуба на ѕвездите, јавноста си поставува само едно прашање: „Како нему воопшто му падна на памет да ја изневери?“. Приказната е иста и за обичните смртници.

zoshto-mazhite-gi-izneveruvaat-svoite-prezgodni-zheni-1.png

По албумот „Lemonade“ на Бијонсе, каде поп кралицата низ стихови индиректно го наговести неверството на сопругот, светот  одново остана во чудо. „Зарем некој би ја изневерил Бијонсе?!“ – се прашуваа многумина.

Сепак, после долги нагодувања, Џеј Зи го објави албумот „4:44“, со што и самиот ја допре темата, а дури неодамна во интервју го потврди она од кое многумина се плашеа.

zoshto-mazhite-gi-izneveruvaat-svoite-prezgodni-zheni-2.jpg

Секогаш кога во светот на богатите и славните ќе одекне скандал за развод или прељубничка афера, публиката го доживува премногу лично.

Покрај фактот што се рушат сите фантазии за совршен ѕвезден брак, тие будат и бес, но и сомнежи кај жените: „Ако нејзе мажот ја изневерува, тогаш какви ли шанси имаме ние, сосема обичните девојки?”.

zoshto-mazhite-gi-izneveruvaat-svoite-prezgodni-zheni-3.jpg

Сепак, таквата мисла е погрешна. Прељубата нема никаква врска со тоа колку личноста е привлечна, секси или славна. Да - неверството не е ни малку поврзано со овие адути.

По мислење на експертите, луѓето најчесто изневеруваат поради недостатокот на блискост во врската. Мнозинството не се свесни колку негувањето на односите и создавањето нови чувства е важно за развој на љубовта.

zoshto-mazhite-gi-izneveruvaat-svoite-prezgodni-zheni-4.jpg

Искушенијата се неизбежни, особено во животите на популарните личности, каде приликите за прељуба се множат со илјадапати. Меѓутоа, доколку партнерите се приврзани и заљубени, нема да имаат потреба да изневеруваат.

Истражувањата покажуваат дека кај само 7% од жените, односно 8% од мажите, причината за неверство е сексуалното незадоволство.

zoshto-mazhite-gi-izneveruvaat-svoite-prezgodni-zheni-5.jpg

Повеќето всушност изневеруваат поради недостигот на емоционална поврзаност во врската, или, пак, комбинацијата од емоција и секс.

Впрочем, така и самиот Џеј Зи ја објасни неговата прељуба. Заради лошите искуства во детството, тој емотивно се затворил, па мошне тешко му било да се поврзе со својата партнерка.

zoshto-mazhite-gi-izneveruvaat-svoite-prezgodni-zheni-6.png

Љубовта не е доволна. Заблуда е дека кај вљубените двојки коцките автоматски се сложуваат, па сѐ функционира како што треба самото по себе. За квалитетна врска е потребно и време, енергија и вложување во односот, како би опстојала љубовта.

А, ѕвездите пред себе имаат и дополнителни предизвици, бидејќи постојано се на патувања и одвоени од своите подобри половини.

zoshto-mazhite-gi-izneveruvaat-svoite-prezgodni-zheni-6.jpg

Поука? Само со добра поврзаност може да се спречи неверството! Вложувањето време и енергија во сопствената врска е апсолутно најважната работа која може да ја направите за себеси и партнерот.

Заборавете на емотиконите – кажете му: „Те сакам!“

М. А. | Црнобело

Би можело да ве интересира:

Го обожава мајка ми, а јас не сакам да сум сама: 4 потполно погрешни п... Престанете да ја форсирате врската со личноста во која не сте заљубени. Џабе си ...
Колку сексуални партнери имаат луѓето во просек во текот на животот? Постојано се прават истражувања на тема љубов и секс, а резултатите се секогаш р...
Јас не сум за тебе, ти не си за мене Колку пати се обидов да најдам причина, да те оправдам, да се излажам и прегазам...