Скромни мажи = слабаци!

Скорешното истражување потврди како размислуваат жените за "добрите" момци. Вообичаено, дамите "паѓаат" на мачо типови, а заклучокот е дека...

 

... тие машката скромност ја доживуваат како знак на слабост.

Ова истражување неодамна беше спроведено во Америка и резултатите потврдија дека жените скромноста ја поистоветуваат со слабост, додека метросексуалците ги сметаат за одбивни, пренесува ScienceDaily.

Скромноста во тој контекст е симбол за недостаток на карактер, кој понатаму на поширок план се доживува како нешто што ја загрозува егзистенцијалната сигурност, бидејќи може негативно да влијае на способноста за вработување и при социјализирањето.

Во истражувањето учествуваа 232 испитаници, 132 жени и 100 мажи, а интересно е дека мажите генерално скромноста ја оценуваат како позитивна особина кај припадничките на понежниот пол.

На испитаниците им биле прикажани 15-минутни интервјуа кои ги снимиле актери од двата пола, одговарајќи на прашања за работата која бара одредени социјални вештини.

Проценето е дека сите пријавени биле подеднакво компетентни за понудената работа, но скромните мажи на жените помалку им се допаѓаат.

Психологот Корин Мос-Ракузин, која беше и шеф на истражувачкиот тим вели дека во свеста кај поединците постојат работи кои се "мораат" и оние кои "не смеат" да бидат.

Така, жените да речеме "мораат" да бидат почуствителни и грижливи, а "не смеат" да бидат доминантни.

"Историски и културолошки, од мажите се очекува да бидат независни и да имаат поголема самоувереност отколку жените. На жените им е дозволено да покажуваат знаци на слабости, додека кај мажите тоа не се толерира ни најмалку. Од друга страна, доминацијата е пожелна особина кај мажите, додека кај жените таа се перцепира како негативна.

Овие и слични стереотипи врзани за половите, силно се вкоренети во нас, така да за свата пола постојат јасни граници помеѓу друштвено посакувано и друштвено неприфатливо однесување", вели др. Мос-Ракузин.

Затоа, дури и во во 21-от век не е чуден фактот дека жените сепак сакаат доминантни мажи кои имаат силна самодоверба.