Математичка формула: Колку време ќе ви биде потребно да ја преболите поранешната љубов?

Во една епизода од популарната ТВ серија „Сексот и градот“, Шарлот објаснува дека времето кое е потребно да го преболите поранешното момче е точно половина од времето кое сте го поминале заедно.

Во превод – доколку сте биле заедно 6 месеци, потребни ќе ви бидат 3 месеци да го преболите момчето или девојката.

Но очигледно постои и понапредна формула за пресметка на овие чувства.

Еве како изгледа таа:

x/2 + j + l - t + k/2 + r = y.

x = Бројот на месеци додека сте биле заедно.

y = Времето кое ќе ви биде потребно да ја преболите поранешната љубов.

j = x/3 Доколку не можете да сфатите како дојде до раскинување на врската, тоа е она што го означува Ј.

Ј од прилика е 1/3 од времето што сте го поминале заедно. Ј влегува во игра како фактор и доколку сте биле изневерени. Доколку пак вие сте го иницирале прекинувањето на врската, тогаш вредноста на j=0.

l = 4 Дали сте чувствителни? Дали во најголем дел од времето се потресувате за сè и сешто? Доколку одговорот е да, вредноста на l = 4 месеци. Во спротивно, пишете вредноста нула, односно l=0.

t = x/3 Доколку по раскинувањето на врската се впуштите веднаш во нова авантура и започнете да запознавате нови луѓе и сте во потрага по нова љубов, месеците кои сте биле во врска треба да ги поделите со 3 и ќе ја добиете вредноста на t.

Доколку пак седите дома и „боледувате“ од жал по поранешната љубов, t=0.

k = Бројот на часови кои ги поминувате дневно и ги проверувате социјалните мрежи со цел да видите нешто поврано со поранешното момче/девојка.

r=3 Доколку не можете да се одлучите да го блокирате на социјалните мрежи со цел да не ги гледа вашите објави на Инстаграм, додадете 3 месеци како вредност за r.

Во спротивно, доколку го избришете од сите социјални мрежи, вредноста на r=0.

Па да ја видиме љубовната формула на дело.

На пример, сте биле во врска 1 година, односно 12 месеци. Тоа е почетната вредност X. Таа бројка е особено важна и ќе ви биде потребна во текот на целата пресметка.

x/2 + j + l - t + k/2 + r = y.

• Не знаете како точно дојде до прекин на љубовната врска. За да ја добиете вредноста ј, потребно е 12 да го поделите со 3 и го добивате бројот 4.
• Многу сте чувствителни, па токму затоа следната вредност, односно l=4 (во спротивно ќе беше нула).
• Не излегувате од дома, немате желба за запознавање нови луѓе и уште боледувате од љубовна треска. Вредноста на t=0.
• Постојано го/ја следите поранешниот дечко или девојка на сите социјални мрежи во обид да видите и дознаете нешто повеќе за него/неа.
• Сигурно посветувате 2 часа во денот на оваа активност, што значи дека вредноста на к=2.
• Немате намера да ја избришете или блокирате поранешната љубов од социјалните мрежи. Како последна вредност додадете 3 месеци во равенката.

Па да пресметаме:

12/2+4+4-0+2/2+3 = ?

Бројот на месеци кои ќе ви бидат потребни да ја преболите поранешната љубов во оваа ситуација изнесува 18 месеци.

(О)Милена | Црнобело