Луѓе откриваат: Како е да стапиш во брак по помалку од 6 месеци врска?

Некогаш импулсивните одлуки имаат среќни краеви. Луѓе откриваат дека го слушале срцето и не погрешиле.

Дали сте од оние кои веруваат во врски долги со години или сметате дека е сосема во ред да стапите во брак со некој по само неколку месеци состанување?

На Reddit луѓе што вртоглаво брзо се одлучиле за брак откриваат како е да стапиш во брак по помалку од 6 месеци врска:

Се сретнавме во јули и се свршивме во ноември. Не знам како да објаснам. Имавме многу заеднички работи и можевме да разговараме без прекин. Бевме неразделни, ми недостигаше дури и кога ќе се разделевме само на ден, два. Бевме во раните 20-ти и семејствата не нè поддржуваа, но сега ја славиме 12-та годишнина од брак.

Ја прашав да се омажи за мене по само 3 месеци врска, бевме во брак 10 години, сега сме разведени. Не се каам, имаме прекрасна ќерка.

Се запознавме во септември, а веќе во декември се свршивме. Мразевме да бидеме разделени, па се преселив кај него. На моето семејство тој му се допадна и имавме поддршка од двете страни. Сега сум бремена со нашето прво дете.

Нè запозна заеднички пријател и по само 90 минути заедно знаевме дека тоа е тоа. По 3 месеци се свршивме, си купивме стан, а направивме свадба следната година. Денес имаме две деца и веќе 20 години сме во среќен брак.

Се земавме 5 месеци по нашиот прв состанок. Се запознавме онлајн, комунициравме, па излеговме на ручек. За малку ќе ѝ откажев. Се сомневав околу мојот изглед. Бев тазе разведен. Но, тогаш се случи љубов на прв поглед. Сакав таа да биде мајка на моите деца еден ден. Нашиот ручек се претвори во 3 дена минати заедно. Пријателите мислеа сум ја киднапирал. Беше лудо. Денес, 6 години подоцна, нашиот син спие до нас, додека го пишувам ова.

С. С. | Црнобело