Како да не им станете одбивни на родителите на партнерот на првата средба?

Од ризични шеги до дискусии на „црвени“ теми, што не треба да правите при запознавањето со родителите на партнерот?

Запознавањето со родителите на момчето/девојката никогаш не е лесна работа. Сигурно низ главата ви минуваат милион сценарија што може да направат средбата да тргне на лошо.

За време на средбата од нервозата може да направите грешки и да не успеете да ги импресионирате.

Што треба да правите за запознавањето да помине во најдобар ред:

Бидете добар гостин

Не трудете се премногу за да не го намирисаат вашиот очај, но бидете добар гостин. Цвеќе и вино за подарок не е лоша идеја. Се разбира, и стајлинг соодветно избран за пригодата.

Телефонот може да го ставите на вибрации и нема потреба да се нудите да им помогнете во кујната. Кој добар домаќин би му дозволил на гостинот да стане од маса?

Не смеете да се фалите

Најголемата грешка е кога сакате претерано да се покажете во добро светло, па претерувате со фалби за да ги импресионирате. Да, важен работник сте во вашата компанија, но нема потреба да кажувате колку голема ви е платата.

Без визит картички, затоа што ако сте паметна и успешна личност, тие ќе забележат самите.

Дискретен молк на одредени теми

Постојат некои теми на кои разговорот тече без препреки, но некои теми спаѓаат во црвената зона. Ако родителите на вашиот партнер почнуваат да го осудуваат зошто ја напуштил работата, вие не смеете да се мешате. Наместо да го давате своето мислење за нивните семејни дискусии, само молчете и јадете си мирно.

Уште подобро сменете ја темата, така што ќе им дадете некој комплимент за јадењето или за која било тема.

Не се обидувајте да бидете смешни по секоја цена

Тие сигурно посакуваат да имате карактеристики како стабилност, добрина, интелигенција, но дефинитивно не им е на прво место да бидете комичар/ка.

Особено не се препорачливи ризични шеги за вашиот шеф или некој поранешен партнер. Златно правило е да не се обидувате да ги насмеете по секоја цена. Анегдотите оставете ги за кога ќе се запознаете подобро.

С. С. | Црнобело