Каде НЕ треба да раскинете?

Се одлучивте да ја прекинете врската во која не можете повеќе да се замислите. Подготвивте приказна за тоа да помине некако полесно. Можеби не...

 

...сте размислувале, но и локацијата може да влијае на степенот на непријатност за време на раскинувањето.

Каде не треба да го направите тоа?

1. Кај вас дома. Можеби мислите дека е идеална локација за прекинување помеѓу вашите 4 ѕида. Но, имајте едно на ум – вие немате каде да бегате.

Според совршеното сценарио тој/таа по раскинувањето би требало да излезе од кај вас, но сте се сетиле ли на можноста да остане пола ден и да плаче кај вас на каучот? Не е дека може да го/ја исфрлите од станот.

2. Во канцеларија. Можеби вашата канцелариска афера функционирала добро некое време, но најлошо е да прекинете во работното време. Дали навистина ви се потребни сцени на работа?

3. На одмор. Отидовте заедно на некое патување и капката ја прелила чашата. Имајте на ум дека уште неколку дена се пред вас. Ја делите собата и креветот. Нема бегање. Мора и да се вратите заедно.

4. Во ресторан. Секогаш има мирна атмосфера, тивка музика и гости кои уживаат во храната. Прво, вечерата нема да ви биде пријатна ако знаете што ве чека. Ќе се нервирате, а тој/таа ќе се прашува што не е во ред. А, вие ќе се прашувате дали да и/му кажете пред или по десертот.

5. Во друштво. Нема полошо од пар кој се кара во друштво со пријателите. Некогаш е тешко да ги задржите емоциите, но не ги ставајте во непријатна ситуација пријателите само затоа што вие имате проблеми во врската и сакате да прекинете.