Правила кои треба да ги следите со партнерот ако сакате брак без проблеми

За да имате среќен и успешен брак важно е да имате големо разбирање, но и да почитувате одредени правила кои никогаш нема да ги прекршите.

За тоа, потребно е однапред да договорите одредени работи и двајцата да се водите според нив во бракот за секојдневието да не ве промени и уништи.

Затоа, направете си ваш договор, со неколку правила кои ќе мора секогаш да ги почитувате како единство и ќе ве направи посилни и посреќни.

Правила кои секогаш треба да ги следите за среќен брак:

Спалната соба е само за вас двајца

• Телевизорот не припаѓа во спалната соба. Наместо да гледате телевизија, подобро е да разговарате со партнерот за вашиот ден или да се посветите на зацврснување на интимните односи.
• Деца поголеми од 1 година и миленичињата треба да спијат одвоено, а не во вашиот кревет. Колку и да ги сакате, тие го нарушуваат интимниот простор на парот.
• Однапред договорете дали би било проблем ако самите вие некогаш спиете одвоено (заради ‘рчење на партнерот и слично).
• Од време навреме, на пример 2 пати годишно, партнерите треба да разговараат за сексуалниот живот и да видите дали има проблем, со цел да го поправите.

За односите со роднините не треба да има жртви

• Смислете си таен збор што ќе ви служи како код и сигнал што само вие ќе го разбирате. Па така, кога еден од родителите ќе ви дојде преку глава, кажете го зборот, тргнете се на страна, разговарајте сами, смирете се и решете ја ситуацијата без да навредите некој од родителите и да се истурите на нив.
• Никој од сопружниците не е должен да носи/користи по секоја цена нешто што родителите на партнерот им го дале .
• Родителите на партнерот не треба да се појавуваат пред врата ненајавени .
• Одлучете колку често ќе ги посетувате роднините и колку често тие ќе ви доаѓаат. Тоа не треба да ви биде непријатно – ваша одлука е.
• Договорете се околу степенот до кој вашите родители и роднините ќе се мешаат во вашиот семеен живот и одгледувањето на вашите деца.

Однапред направениот договор е за да се избегнат непријатни изненадувања

• Пред бракот направете си листа со забранети подароци. Разговарајте за работите кои не ве усреќуваат за да немате разочарувања во иднина, колку и да звучи лошо.
• Однапред договорете што за вас значи идеален одмор за да немате кавги кога ќе дојде на ред тоа. Ако едниот сака излежување на плажа, а другиот сака екскурзии, најдете однапред компромис и договарајте се како ќе ги поминувате одморите за на двајцата да ви биде убаво.
• Иако и ова звучи чудно, добро е однапред да разговарате за начинот на живот и исхрана, како и за дебелеењето. До која тежина би било нормално да одите и каде треба да поставите граница и двајцата да се посветите на враќање во форма.
• Ако двајцате сте возачи, направете си услуга со играта „трезен возач“. Ако едниот од вас оди на забава, другиот не смее да пие и ќе биде задолжен да вози и слично.
• Секој час поминат на социјалните мрежи кога треба да седите еден со друг и да си посветувате време, може да го казнувате со 10 минути разговор за врската и проблемите или нешто друго.

М. М. | Црнобело