Ако не одговорите со „да“ на двете прашања – вашата врска нема иднина

Не сте сигурни во кој правец ви се движи односот со партнерот? Постои начин да ја дознаете вистината.

Сите мечтаат романтичната врска да им трае вечно и засекогаш да се среќни со животните сопатници. Меѓутоа, реалноста неретко не соодветствува на желбите и очекувањата.

Постојат случаи во кои љубовта едноставно исчезнува. А, има и такви кога едниот, или, пак, двата партнерa веќе не се сигурни дали нивната врска е она што навистина го сакаат.

Доколку се наоѓате во ваква ситуација, лесно може да си ја разрешите дилемата. Потребно е да си поставите две прашања и искрено да дадете одговор на нив.

Ако не е потврден, тогаш вашата врска баш и нема некаква иднина, па веројатно е време да ја прекинете. Одговорете со „да“ или „не“ на овие две прашања:

Да не сте долго време заедно, дали би oстанале во врската?

Мноштво парови остануваат еден со друг, само затоа што имаат чувство дека вложиле многу во односот, па нема шанси така лесно да го прекинат. Ова честопати резултира со несреќни врски.

Помислата е следната: „Низ што сѐ не поминавме заедно. Не може сега да раскинеме!“. Со други зборови, кога веќе сте пателе во минатото, тогаш не смее да се предадете, туку мора да се борите за врската и во иднина.

Меѓутоа, колку подолго трае оваа борба, толку потешко ќе ви паднат последиците од раскинувањето. Ако не сте сигурни дали врската е добра за вас, запрашајте се дали би останале во неа и да сте само неколку недели заедно.

Одговоривте со „не“? Можеби е најдобро да се разделите.

2. Да се разбудите сингл, дали би излегле со сегашниот партнер?

Ова прашање ќе ви открие дали сте со вашиот дечко, или, пак, девојка, само затоа што ви е страв дека ќе ги повредите кога би ги оставиле.

Ако и во соло варијанта го сметате партнерот за привлечен, па одново може да си замислите дека сте заедно, тогаш тоа е добар знак.

Но, ако не гледате ништо кое би ве привлекло кај него, кристално јасно е дека жарта помеѓу вас е одамна згасната.

И време е за промени.

М. А. | Црнобело