Ако не сте на чисто дали тој/таа е вистинската личност за вас, ова е едноставен начин да проверите. Листата содржи 10 нешта кои се сметаат за карактеристики на лош партнер, односно партнер кој не ви одговара.

1.      Ги мрази работите кои ги правите. Секако дека во врската има различни желби, а понекогаш потребен е компромис. Тоа значи дека ќе правите работи кои не ги сакате за да му удоволите на партнерот и обратно. Ако вие секогаш се согласувате со неговите/нејзините желби, а тој/таа со вашите никогаш, и имате малку заеднички активности во кои вие уживате, време е за разговор. Заслужувате партнер кој ќе сака да прави работи само за вас, а не секогаш да има изговор кога се на ред вашите предлози.

2.      Вашите пријатели не го сакаат и вие не ги сакате неговите.

Ако не сакате да излегувате со неговите пријатели, ниту тој со вашите, тоа е лош знак. Уште полошо е ако секој ден се расправате заради вашите или неговите пријатели. Заедничките дружења ќе отпаднат засекогаш, а на светот не сте само вие двајца.

3.      Постојано лаже. Ако секојдневно ги лаже пријателите и семејството, голема е веројатноста дека ве лаже и вас.

4.      Паразит. Без проблем се навикнува да не плаќа ништо, секогаш да излегувате на ваша сметка, да не направи ништо за да ве изненади и воопшто да не се вознемири заради сето ова.

5.      Не сака да пробува нови работи. Секако дека до некаде сите сме робови на навиките, но ако партнерот константно ги одбива вашите предлози и планови врската набргу ќе стане здодевна.

6.      Секогаш ги поправа вашите грешки. Човечки е понекогаш да се налутиш. Но, кога партнерот мисли дека е секогаш во право, тоа и не е баш вкусно. Партнерот кој постојано ве прекорува и корегира, во меѓувреме ве советува што треба да правите и како ништо не знаете, сигурно не е здрав за вашата личност.

7.      Лошо поднесува критика. Некому кој е возрасна личност, зрела личност, треба да може и да му кажете нешто негативно, што не значи дека сакате да го промените. Кога и да го/ја искритикувате доаѓа до расправија, препирање и лутење. Ниту една од овие работи не е добра за градење цврста врска.

8.      Мамина маза. Мајка им уште им ги пере алиштата, пегла, готви, а тој/таа не знае да го прави тоа сама. Или, уште полошо, не може да се ослободи од поврзаноста со мајката, користи нејзини фрази и реченици и за се бара совет.

9.      Колегите од работа не ја/го сакаат. Не може да ја задржи работата, а и кога ќе го/ја отпуштат во фирмата никому не му е жал.

10.  Гледа по други жени/мажи. Нормално е да посветиш внимание на спротивниот пол и кога си во врска. Но, треба да се почитуваат граници на добар вкус. Доколку непрестајно се загледува за други, коментира и зборува за своите сексуални фантазии со други – пред вас, добро размислете дали вреди да сте заедно.

 http://www.intimatemedicine.com.hr/partnerstvo/10-osobina-loseg-partnera/