Прашања што треба да ги поставите кога вашиот партнер е пријател со бившите


Прашања што треба да ги поставите кога вашиот партнер е пријател со бившите

Пријателствата со поранешните партнери не се многу пријатна тема, особено ако штотуку сте започнале нова врска.

prashanja-shto-treba-da-gi-postavite-koga-vashiot-partner-e-prijatel-so-bivshite-01.jpg

Сепак, постојат многу реални ситуации во кои поранешните партнери останале пријатели и навистина не се ништо повеќе од тоа. Но, на новиот партнер тоа му е трн во око.

Ако сте во ситуација во која вашите момче или девојка одржуваат пријателски однос, сигурно имате многу прашања. Затоа, треба внимателно да изберете кои ќе им ги поставите.

Овие се неколку од најважните:

1. Знае ли твојот/твојата бивш/а за мене?

Одговорот на ова прашање ќе ја разјасни секоја нејасна ситуација. Одречниот одговор може да внесе голем сомнеж и потребно е да ги знаете причините за тоа.

prashanja-shto-treba-da-gi-postavite-koga-vashiot-partner-e-prijatel-so-bivshite-02.jpg

2. Кој на кого раскина?

Ова прашање нема да ја раскаже целата приказна, но ќе ви помогне да имате појасна слика за нивниот однос. Најчесто оној кој раскинува е и оној кој полесно продолжува, иако и од ова непишано правило има исклучоци.

3. Дали твојот/твојата бивш/а чувствува нешто кон тебе?

Секогаш е добро да знаете дали постојат и други чувства, освен пријателство, макар и кога тоа е еднострано. Можеби вашиот партнер не сака да се врати, но ако има чувства од другата страна, сосема е нормално да се сомневате во пријателските намери.

prashanja-shto-treba-da-gi-postavite-koga-vashiot-partner-e-prijatel-so-bivshite-03.jpg

4. Имаш ли некаква корист од тоа пријателство?

Ако решите да го поставите ова прашање, внимавајте тонот да не ви биде премногу арогантен и обвинувачки. Само на тој начин можете да ја дознаете реалната причина за постоењето на тоа пријателство.

5. Може ли да го/ја запознаам?

Внимавајте! Ова прашање го поставувате само доколку сте сигурни дека навистина го сакате тоа. Од друга страна, ако односот е чисто пријателски, ниту вашиот партнер, ниту неговиот поранешен партнер, ќе имаат проблем со ваквото запознавање.

Е. Д. | Црнобело

Би можело да ве интересира:

Ако ја сакаш, не ја уништувај Сакам да се присетиш како изгледаше таа првиот пат кога ја здогледа… Ти доaѓа ли...
10 прашања кои треба да си ги поставите за да знаете дали врската треб... Има одредени прашања кои треба да се постават на првите состаноци со потенцијалн...
Јасни знаци по кои ќе препознаете дека партнерот не е вашата сродна ду... Животот е прекраток за да губите време со некој за кого сте свесни дека не е ваш...