Kaков е реално сексуалниот живот на мажите во 40-тите?

Во дваесеттите и триесеттите години, припадниците на посилниот пол се повеќе фокусирани на квантитетот, одошто квалитетот во постелата. А, каква им е навистина интимата во средното доба?

Многумина се прашуваат како се менува сексот на луѓето, зависно од различните фази на животот во кои се наоѓаат.

Честопати и научниците се љубопитни на оваа тема, а едно од поновите истражувања е концентрирано исклучиво на мажите во средните четириесетти години.

Кога се припадниците на посилниот пол во прашање, досегашните испитувања јасно покажуваат дека тие се полово најмоќни и најактивни на возраст од 20 до 30 години. Кон средината на петтата деценија, пак, мнозинството мажи почнуваат да имаат проблеми со потенцијата.

Од друга страна, четириесеттите се годините кога мноштво партнери стануваат прељубници.

Ова го потврдуваат и резултатите од научната студија, според кои 40% од мажите, ама и жените, неверни се во тоа животно доба. Изневеруваат дури и тие кои изјавиле дека се среќни во брак.

Околу 25 проценти од мажите, како главна причина за прељубатата ги наведуваат брачните проблеми, наспроти 48% од жените. Највеќе шанси да завршат во прегратките на љубовница имаат мажите кои се во долгогодишен брак, а претходно немале голем број на сексуални партнерки.

Воедно, потврдено е и дека во четириесеттите години, како мажите, така и жените, поретко имаат интимни односи.

Сепак, за разлика од дваесеттите и триесеттите, тогаш сексот им е поквалитетен.

Податоците од опсежното истражување, со кое биле опфатени 12.354 мажи на возраст од 45 години, откриваат низа детали за нивниот сексуален живот. Своите први искуства, повеќето испитаници ги имале на 18 години. Мнозинството до 45-тата година спиеле во просек со десет жени.

Една четвртина од мажите биле во стабилна врска, со времетраење од пет до десет години, додека половина од нив живееле со партнерката.

Што се однесува до „праксата“ во кревет, класичниот вагинален секс се наоѓа на прво место со 98%, по што следува оралниот со 60%.

M. A. | Црнобело