Исповед: „Зошто мојата сопруга ми е поважна од моите деца?“

Мајк и Кристин се 17 години во брак и одгледуваат 8 посвоени деца, но и покрај тоа, бракот знаат да го стават на прво место и да најдат време за нив двајца.

Иако за многумина тоа е себично, затоа што повеќето сметаат дека децата треба да бидат пред сè, овој пар не размислува така.

Мајк Бери во неговиот  блог објаснува зошто неговата сопруга му е поважна од децата и зошто секое семејство треба да се води според таа логика.

Со оглед на тоа што се постојано зафатени, тие поминуваат многу време со децата, но имаат едно правило - по 21 часот, децата одат во соба, а тие одвојуваат време само за нив двајца. 

„Искрено, го следиме ова правило колку што памтам за нас. Родители смe 15 години и децата никогаш не ни го одземале целото време. Мојата сопруга и јас поминуваме многу време со децата, но никогаш 24/7. Ги сакаме нашите деца и секако, имаат огромна улога во нашиот живот. Секогаш можат да се потпрат на нас и да ја добијат нашата помош и поддршка.“

Но, тие не го посветуваат целиот живот на децата и знаат како да најдат време за нив двајца за да го одржат бракот силен и здрав.

Постојат неколку причини зошто е тоа важно, а еве 4 од нив:

1. Здравиот брак е камен темелник на домот.

Децата не се камен-темелникот на семејството. Тие се дел од основата и играат голема улога во структурата, но не се главната работа која го одржува овој прекрасен, но хаотичен неред заедно.

Тоа сте вие – вие и вашата сопруга, вие и вашиот сопруг, вие и вашиот партнер. Ваша одговорност е да го водите семејството и вашиот дом. Вашите деца гледаат од вас насока и пример и затоа мора да се држите заедно.

2. Пред НИВ, бевме НИЕ.

Пред тие да постојат во нашиот живот, бевме само ние двајца. Се заљубивме, бегавме од часови заедно, зборувавме на телефон по цела вечер и потоа одлучивме да бидеме засекогаш заедно.

Ние бевме почетокот. Потоа овие прекрасни деца дојдоа. И преблагодарни сме што дојдоа бидејќи ни го исполнија животот со радост. Но, нашата заедница е света. Со сета наша моќ мора да ја штитиме нашата светост.

3. После НИВ, ќе бидеме НИЕ.

Ништо не трае вечно. Нашите сакани ќе пораснат и ќе се иселат од нашето гнездо во одреден момент. Не знам за вас, но во мојот подрум нема место за 30-годишо дете.

Откако ќе се впуштат во светот, независни, ќе живеат сами, ќе одгледуваат свое семејство и ќе бидат личностите кои треба да бидат, тогаш ние двајца пак ќе биде НИЕ.

А, ние сакаме да имаме добар и здрав однос, и да бидеме исто толку посветени и обврзани како пред да го започнеме ова семејно патување.

За да бидеме сигурно дека идните НИЕ ќе бидат заштитени, мора НИЕ да се ставиме на прво место денес. Секако, не е воопшто лесно...

4. Мора да поставиме иден пример

Како што напоменав, децата гледаат и учат од нас. Тие прават што правиме ние и ни го набљудуваат секој чекор за да знаат како треба да го живат нивниот живот.

Не знам за вас, но сакам моите деца да пораснат со нормално гледиште кон врските – излегувањето, веридба или брак.

Сакам нашиот здрав брак да им даде добро мислење за тоа што е брак и како треба да изгледа.

Затоа ја ставам мојата сопруга на прво место, а нив на второ. Второто е многу блиску до првото, но сепак второ.

Мора да се справите со тоа. Им требате на вашите деца и тие се важни. По вашиот партнер, тие доаѓаат следни. Не пријателите, не кариерата, не хобито. Децата.

И мора да се грижите за нив. Но грижете се прво и за бракот.

Извор