Низ илустрации: Како флертуваат низ 7 различни земји во светот?

Колку повеќе земји и култури – толку повеќе начини на флертување, потврдуваат илустрациите во прдолжение.

Некаде разликите се драстични, некаде работите се многу слични како кај нас, некаде се цени искреноста и брзото зближување, додека на други места воздржаноста е поголем флертувачки знак, наместо допирот.

Како се флертува низ 7 различни земји во светот?

Во Франција: Многу хумор и спонтаност

Користат многу локални фрази кои само тие си ги разбираат, разговараат за ситни и навидум неважни работи како времето, бојата на облеката која се носи и колку е прекрасно кафето.

Дозволено е да ја поканите личноста која ви се допаѓа на кафе и кроасан, но не и во паб – таму е прегласно за разговор. Дозволен е и бакнеж на образот.

Не смеете да разговарате за бившите или пак колку деца сакате во блиска иднина. Исто така, забрането е да ја прашате личноста колку заработува, освен ако самата не каже.

Во Шпанија: Суптилен пристап

Во Шпанија суптилните и елегантни комплименти и коментари се ценат. Исто така, како позитивен знак е барањето на социјални мрежи.

Дозволено е да покажете интерес за приватниот живот и работата на личноста. Но, како непристојно се смета прегрнувањето и поздравувањето со раце. Исто така, одбивно е ако се зборува за бившите и политичката состојба.

Во Германија: Покажување на индивидуалноста

Во Германија се флертува така што се разговара за темите кои ја подигнуваат општата свест, како и креативноста. Исто така, ако мажот ѝ даде комплимент на жената, а таа гласно се насмевне, тоа е знак дека не го сфаќа сериозно.

Дозволено е да бидете искрени и само искрени. Секој интерес надвор од секојдневието, како хоби или интерес во полето на литературата, уметноста, е исклучително привлечен.

Од друга страна, не смее да разговарате за бившите, религијата и политиката.

Во Јапонија: Сè се одвива бавно и полека

Секое флертување во Јапонија се одвива бавно. Прво се гради пријателска врска, па потоа комуникацијата се префрла на социјалните мрежи.

Кога се среќаваат во живо, во Јапонија мора да се покаже почит. Се ценат долгите разговори и љубовни состаноци на кои се дискутира со часови.

Допирот е забранет на првиот состанок, секако без дозвола. Исто така, темите кои навлегуваат во интимата се забранети.

Во Шведска: Се цени практичноста

Во Шведска површното флертување е надминато. Се цени практичноста и забележувањето на деталите. Комплиментот за бојата на очите ќе се прифати со потсмев, додека комплиментот за одреден украс или накит се смета за одличен.

Состаноците се одвиваат во кафуле, каде може да се разговара и смее да се поставуваат лични прашања и прашања околу најмалите ситници кои ќе ви паднат во очи.

Забрането е инсистирање да ја платите целата сметка.

Во Италија: Физичка близина

За Италијанците, физичката близина е пресудна. Храбри се при флертувањето и не се плашат да ги покажат емоциите. Сакаат да претеруваат со комплименти од типот „Ти си најубавото нешто што сум го видел/а во животот.“

Дозволено е да се интересирате за приватниот живот и работата, а комплиментите упатени на физичкиот изглед се секогаш плус.

Не смее да разговарате за претходните врски и да кажете дека живеете со вашите родители.

Во Русија: Романтични разговори

Русите се за романтика во големи количини. Сакаат да поставуваат прашања кои ќе ви ја заскокоткаат душата, поврзана со приватниот живот, интересите и личностите во вашиот живот.

Дозволени се комплименти, неочекувани (пристојни) допири, како и мали подароци во знак да внимание.

Забранети се клише фрази и хумор кој може да ја навреди другата личност.

М. Д. | Црнобело