6 прашања кои ќе ви откријат дали тој/таа е вистинскиот избор за вас

Ви се допадна личноста, а врската напредува подобро од која било друга претходно во животот. Затоа е и сосема нормално да се запрашате дали сте со вистинската личност.

Иако веќе ви е сосема јасно дека сакате вашата врска да напредува, треба да си поставите уште неколку прашања самите себе за да бидете 100% сигурни во својот избор.

Дури и кога навистина сте вљубени во личноста, не занемарувајте ги следниве шест прашања:

1. „Дали знае што ми е најважно?“

Ако се знаете доволно долго, тогаш сигурно знае што ви е вам најважно. Но, доколку не сте сигурни во тоа, тогаш или не сте откриле или личноста тоа го заборавила, не трудејќи се да запомни.

Вашата вистинска сродна душа знае зошто се туширате 30 минути подолго од другите и зошто сакате да спиете на две перници и е свесна што е она што навистина ви е најважно за да бидете среќни.

2. „Дали моите блиски мислат дека не е за мене?“

Некои од вашите пријатели или членови на семејството може да бидат против оваа врска. Сте размислиле ли зошто? Во најголем број случаи тоа нема некоја посебна причина, но имајте ги предвид и оние пријатели кои се детектори за лоши луѓе.

Размислете од каде доаѓа противењето, дали од личности на кои им значите и кои ви сакаат сè најдобро, или оние кои само сакаат да ви биде лошо во животот како што им е нив.

3. „Дали се откажувам од нешто важно за да бидам со неа/него?“

Ако врската ве „натерала“ да се откажете од тренинзите, курсевите, од дополнителната работа и други омилени активности, размислете уште еднаш.

Врските бараат жртви, но не по цена да изгубите сè што ви било важно во животот.

4. „Дали ми ја зборува вистината?“

Неколкупати го фативте партнерот во некоја ситна лага, која не беше нешто страшно, но не можете да не се прашате дали лаже и за поголеми нешта? Се чувствувате како да не можете да имате доверба.

Треба да размислите околу ова прашање, бидејќи токму довербата е една од најклучните кога е во прашање градењето стабилна врска. Доколку не сте сигурни дали ве лаже дури и кога со свои очи сведочите на нешто, тогаш можеби не треба да ги брзате нештата.

5. „Дали јас сум навистина јас околу неа/него?“

Кога сте со својот партнер, тој треба да ве надополнува како личност, а не да ве менува. Доколку се чувствувате дека покрај неа/него не сте свои, тогаш преслушајте се од почеток.

Природна потреба на човекот е да сака да биде во врска, но не по цена во која го губи идентитетот и она што го прави да биде тоа што е.

6. „Внатрешниот глас ми вели дека направив лош избор“

Според досегашната пракса, внатрешниот инстинкт може веднаш да даде точна проценка, а мозокот да се мачи со месеци со истата. Иако нема реални знаци кои покажуваат дека партнерот е лош избор, слушајте што ви кажува вашиот внатрешен глас.

Да се биде сам е тешко, но не треба да се прават компромиси кога е во прашање вашето ментално здравје, стабилноста, безбедноста и достоинството. Кога-тогаш, ќе се појави вистинскиот.

Е. Д. | Црнобело