Историја: Еротска долна облека

Еротската долна облека има моќ во која светот се уверил уште во далечната 1893 година. Таа година во Париз, центарот на сите интелектуалци и уметници...

 

...одржана е Moulin Rouge – навистина посебна претстава.

Како што атмосферата се вжештувала, танчерката Monique ја отстранила облеката од своето тело. На неа останало само блескава еротска долна облека која повеќе откривала отколку што покривала. Поимот еротско се проширил и на дотогаш обичната долна облека.

Мажите не можеле да го сокријат воодушевувањето додека жените со поцрвени образи негодувале. Без оглед на завидливите женски погледи, на припадниците на двата пола им станало јасно каква моќ крие дотогаш запоставената долна облека. Секако ако и се додаде еротска нота.

Танцовата точка на Monique ги налутила и задолжените за ред и мир кои ја замотале во чаршаф и ја одвеле на суд.

Судијата заклучил дека нејзината точка е премногу дрска и одредил казна од 100 франци и притвор. На тој начин страшно ги налутил нејзините бројни и угледни обожаватели кои се заложиле за нејзино ослободување.

Сето ова прераснало во голем неред. Заради тоа Monique била пуштена од затворот по 2 дена. Од тогаш властите не негодувале заради еротската долна облека и соблекувањето на сцена.

Еротската долна облека веќе наредната година превземала главна улога на сите театарски сцени во француската престолнина. Сцените со соблекување станувале се подолги, додека должината на еротската долна облека се пократка.

Долгите и високи гаќи се замениле со тесни кои се повеќе ги нагласувале задниците, чорапите добиле подвезици, а белата боја се заменила со пожешки бои како црвената.

Monique го открила стриптизот на светот, уметноста на соблекувањето и заведувањето кои денес ја окупираат машката фантазија.