Зошто сме зависни од нездрави врски?

Секој од нас имал барем една нездрава врска во својот живот. Прашањето е, зошто се чувствуваме толку комфорно со нашите лоши избори?

Без разлика дали се работи за љубовна врска, пријателство, работен однос или однос кон храната или парите, секој има болно искуство кое и понатаму остава трага која тешко зараснува.

Сите сакаме успех и среќа, но секогаш нешто ни недостига. Ако имаме убава врска, можеби немаме доволно пари или пак, успешна кариера, а во реалноста премалку пријатели. Затоа и не треба да судиме, бидејќи не знаеме што се случува во животот на другиот.

Една од најчестите аномалии на човечкото битие е тенденцијата да се „занимаваме“ со нешта кои не се во наш најдобар интерес. На пример, јадење лоша храна, дружење со лоши луѓе или предолго гледање телевизија.

Точно, на секого му треба ден за „мамење“, но тоа може да повлече и многу проблеми, како и физички и ментални последици.

Преголемата толеранција кон отровните врски во вашиот живот треба да се ограничи. Точно е, дури и кога сте свесни за нивната штетност, тие грешни нешта се толку добри.

На пример, знаеме дека алкохолот, десертите и калоричната храна не се добри за нас, но не можеме да се откажеме. Слично е и со луѓето, бидејќи во нас се јавува инстинктот да ги спасуваме, а со тоа и да ја задоволиме нашата анксиозна потреба некој да зависи од нас.

Не сме зависни само од она што го гледаме како успех или награда, туку и од емотивниот ролеркостер кој се случува во нашето тело кога свесно правиме нешто за кое знаеме дека е погрешно. Тоа е она што нè прави зависни од ваквите односи.

Е. Д. | Црнобело