Ќе продолжиш понатаму, иако сега ти изгледа дека ќе умреш од скршено срце

Ќе остануваш будна до 3 часот по полноќ надевајќи се дека ќе ти пише порака, иако минале денови и седмици во тишина.

Писмо до сите девојки со скршено срце:

Боли кога сфаќаш дека животот ќе ти мине без личноста од која си била зависна и си мислела дека ќе го минеш животот со неа.

Тешко е да пронајдеш среќа повторно, кога толку долго се потпираше на него да те развесели кога не се чувствуваше добро.

Тешко е да научиш да си ги пресушиш солзите и да пронајдеш начин да се смееш повторно.

Тешко е да научиш одново да правиш сè сама и да се справиш со осаменоста.

Ќе чувствуваш ужасна осаменост од која нема да можеш да избегаш.

Ќе остануваш будна до 3 часот по полноќ надевајќи се дека ќе ти пише порака, иако минале денови и седмици во тишина.

Ќе го следиш на социјалните мрежи секој негов чекор, ќе се обидеш да дознаеш работи за него преку пријателите, ќе си правиш сценарија во главата. Ќе напишеш десетици пораки до него и ќе ги избришеш.

Ќе чувствуваш дека срцето ти нема сила за да се справи со ова.

Ќе сакаш да се откажеш од сè, нема да бидеш продуктивна и ќе сакаш само да се сокриеш во црната дупка на очајот.

Но, потоа еден ден без предупредување ќе сфатиш дека си се променила.

Си пораснала.

Ќе се разбудиш и ќе одлучиш дека доволно беше да мислиш на него.

Ќе сфатиш дека е заминат и дека не се враќа и дека е време да продолжиш понатаму.

Темниот облак што ти висеше над глава ќе исчезне и пред да се освестиш сонцето повторно ќе блеска за тебе со сиот свој сјај.

Ќе почнеш повторно да го чувствуваш своето срце како чука, а не само болка и тага.

Конечно ќе се смееш повторно и ќе се забавуваш.

Ќе се сетиш како е да шеташ наоколу без константна тежина на градите.

Ќе се чувствуваш нова и целосна повторно.

Ќе сфатиш дека единствената причина за твоето постоење си ти и твојата среќа.

Веќе нема да бидеш сама и исплашена, ќе бидеш слободна и полетна.

Ќе ги собереш сите скршени парчиња од себе и ќе продолжиш понатаму посилна од кога било.

.... Затоа што новите можности чекаат на тебе!

Но, овојпат ќе научиш пред сè да живееш само за себе и за никој друг.

С. С. | Црнобело