Нов тренд кој паровите го прифаќаат: Соло меден месец после свадба

Според истражување на „Њујорк Тајмс“, сè повеќе парови во светот одлучуваат медениот месец да го поминат разделени и овој тренд е растечки.

 

Како најчести причини за ваквата одлука се напорниот период пред венчавката и времето поминато во заеднички активности дотогаш. Тоа би било нешто како заедничка одлука за поминување време на дестинација која му одговара на секој од партнерите, без некој да биде принуден да прави компромиси.

Ваквиот тренд, според истата студија, доаѓа и поради сосема различниот начин на функционирање на паровите пред бракот. Иако во минатото тоа било поразлично, денеска пред да стапат во брак, многу парови одат на заеднички одмори, живеат заедно со години и имаат секс далеку пред судбоносното „да“.

Идејата не е со разделениот меден месец да се „бојкотира“ бракот, туку напротив, партнерите да си дадат доволно време да одморат од стресот кој го имале во текот на планирањето на венчавката.

Мислењата околу овој тренд се поделени. Според оние со традиционални верувања и ставови, се работи за голема глупост која може да го загрози новиот брак. Но, интересно е што е голема и бројката на оние кои со задоволство ја прифаќаат идејата, па дури и ја применуваат на дело.

?ref_src=twsrc%5Etfw%7Ctwcamp%5Etweetembed%7Ctwterm%5E1106166810968289282&ref_url=https%3A%2F%2Fwww.thesun.co.uk%2Ftravel%2F8660341%2Fsolomoon-trend-newlywed-couples-honeymoon%2F

?ref_src=twsrc%5Etfw%7Ctwcamp%5Etweetembed%7Ctwterm%5E1106220306383978503&ref_url=https%3A%2F%2Fwww.thesun.co.uk%2Ftravel%2F8660341%2Fsolomoon-trend-newlywed-couples-honeymoon%2F

Секако, ова не ги прави старомодни оние кои сепак се за заеднички меден месец. Напротив, остава доволно простор самиот пар да донесе одлука околу тоа како ќе го започне бракот, без да го заснова на суеверија или вредности кои мора да ги почитува поради оние од околината.

Е. Д. | Црнобело