Лагите ја чуваат врската

„Секако дека не си дебела“. „Баш сега сакав да ти се јавам“. „Не се ѕверев во онаа девојка“. „Верувај ми, никогаш нема да те излажам“. „Тој фустан навистина...

 

...убаво ти стои“. „Воопшто не размислувам за други жени“.

Ова се само некои фрази кои мажите ги изговараат со цел да избегнат потенцијална кавга со партнерката, таканаречени „бели лаги“- мали невистини со кои се служиме понекојпат кога не сакаме некого да повредиме.

Тие изјави се слични со оние женските: „Готова сум за пет минути!“, „Обожувам спорт, особено фудбал“, „Овој фустан не ми е нов, го носам со години“.

Кој и да каже дека никогаш не лаже е најголем лажго од сите. Овие невини лаги, за разлика од оние расипаните, кои имаат задна намера, можат да бидат корисни и покрај тоа што се провидни.

Значи и мажите и жените подеднакво подлажуваат, но постои разлика во причините за извртување на вистината.

Жените лажат за некоја личност да се чувствува подобро, додека мажите лажат за ним да им биде подобро.