Клучни прашања на кои мора да си одговорите, пред да се смирите со бившиот партнер

По раскинувањето нормално е да се прашувате дали тоа бил вистинскиот избор. Можеби сега се сомневате во прекинувањето на врската и сакате да ѝ дадете уште една шанса. 

За жал, може да биде навистина тешко да одредите дали врската навистина заслужува втора шанса. Понекогаш важно е да запомнете дека вие и бившиот сте раскинале со причина.

Сепак, врските не се само црно-бели и постојат безброј парови чија врска успеала вториот пат. За подобро да разберите дали обновувањето на врската е добра идеја, важно е да размислете за должината на врската, посветеноста, верноста, како и колку време поминало од раскинувањето.

Пред да се смирите со бившиот, поставете си ги и овие прашања:

Дали се смирувате од осаменост или од љубов?

Неделите и месеците после раскинувањето можат да бидат навистина тешки. Многу луѓе се во искушение да му се вратат на бившиот само затоа што прилагодувањето е многу тешко.

Доколку не ве зближува љубовта, тогаш најверојатно сакате да се смирите поради стравот од неудобност или осаменост. Доколку не можете да го најдете вистинскиот одговор, можете да побарате и помош од професионалец.

Што се променило со вас, вашиот бивши или во вашите животи?

Еден од најтешките делови од смирувањето со бившиот е да разберете што навистина се сменило откако сте се разделиле. Доколку само поминало време, голема е веројатноста врската да биде истаи како и првиот пат.

Потребно е да има нешто различно кај вас, кај бившиот и кај врската.

Кои биле проблемите и зошто сега нештата ќе бидат поразлични?

Доколку врската не успеала поради проблеми, а проблемите не биле решени, тие нема да исчезнат самите. Важно е да знаете што точно ве разделило на прво место, за веднаш да се справите со тоа.

Ако можете да имате искрен разговор на оваа тема и ако сакате да работите на проблемите, тогаш тоа е добар знак.

Дали мислите дека можете да го промените партнерот?

Доколку одговорот е „Да“, тогаш не треба да ѝ давате втора шанса на врската. Смирувањето и обидот да го промените партнерот е рецепт за катастрофа.

Од друга страна, доколку и двајцата сте подготвени за промени без да си создавате притисок, шансите за успешна врска се подобри.

На крај, вие и бившиот најдобро знаете дали вреди да ѝ дадете уште една шанса на врската.

Иако кога сте повредени лесно е да помислите дека токму бившиот бил вистинскиот, важно е да знаете дека постојат и други луѓе со кои можете да бидете среќни.

Доколку сепак сте неодлучни, секогаш можете да се консултирате со професионалец.

Спирова С. | Црнобело