10 навики за флертување што можат да ви предизвикаат проблеми во некои држави

Ако сте во некоја друга држава и ви се допадне некој, следниот чекор е да го поканите на состанок.

Но, „правилата“ за флертување и состанување не се исти насекаде. Она што е нормално флертување кај нас, може да ви предизвика вистински проблеми во некоја друга држава.

Па ако сакате да флертувате во странство, внимавајте на овие нешта:

Јавно покажување нежност

Јавното покажување нежност не е многу прифатено ни кај нас, но барем нема да ви предизвика проблеми. Сепак, во некои држави, како Јапонија или Кореја, ова се смета за многу неучтиво.

Во Саудиска Арабија и други арапски држави, бакнувањето во јавност може да ви донесе и казна затвор.

Непокажување нежност во јавност

Во многу култури се очекува од луѓето јавно да ја покажат својата наклонетост кон некој, дури и ако тоа се само пријатели.

На пример, во Централна и Јужна Америка, луѓето често се поздравуваат со бакнеж во образот. Ако во овие држави избегнувате да покажете наклонетост, може да изгледате како личност без емоции.

Делење на сметката

Воглавно, на западот, делењето на сметката е совршениот компромис.

Според традицијата, се очекува мажот да ја плати сметката, но денес ова се избегнува, најмногу бидејќи може да изгледа како навреда за жената.

Сепак, во Јужна Кореја, делењето на сметката е навредливо. Се очекува сметката да ја плати оној кој заработува повеќе. Ова значи дека ако жената заработува повеќе, сосема нормално е таа да плати во ресторан.

Носење партнер на свадба или забава

Во САД може да биде срамно да се појавите без партнер на забава или свадба. Но, во Велика Британија, правилата се поразлични.

Доколку сте сингл, овде најдобро е да одите на големи настани сами, бидејќи токму овие настани се гледаат како можност да запознаете некој.

Некои покани за свадби дури нагласуваат сингл гостите да дојдат сами.

Бакнување

Правилата за бакнување се навистина комплицирани. Секоја култура си има разни правила за тоа дали треба или не треба да го бакнете партнерот.

Во некои европски држави, како Германија или Полска, најдобро е да ја прегрнете личноста ако сте излегле само неколку пати. Воглавно, бакнувањето е резервирано за посериозните врски.

Продолжува на следната страница...