Што кога се расправате?

Кавгите во една врска ќе се случат порано или подоцна и тоа не е трагедија ниту крај на врската. Ова се неколку работи кои не треба да ги правите кога...

 

...се расправате со партнерот:

-  Има жени кои за време на кавгата, на партнерот му се обраќаат со полно име и презиме или само по презиме. Немојте! Тоа најчесто  е начин на кој возрасна личност му се обраќа на дете кое не било умно, а не начин на кој двајца рамноправни партнери комуницираат.

Ако со својот начин на обраќање му ставате до знаење дека не го почитувате, зошто тој вас би ве почитувал и зошто би сакал да најде решение за кавгата?

-  Немојте да ги исмевате неговите чувства. Тоа значи да не изреагирате во стилот „Мора да се шегуваш!“. Исмевањето го навредува и му говори дека не се грижите за тоа како тој се чувствува.

-  Без удирање со ногата на под, трескање со врати, фрлање садови или други предмети. Тоа е детско однесување и остава впечаток на намуртено разгалено дете, а не на возрасен човек кој се обидува да реши некој проблем.

- Без преправање дека не сте заинтересирани. Не е реткост таа да рече „Ма прави што сакаш, не ме интересира!“. Доколку вака се однесувате, а не е точно дека не ве интересира, врската ќе се разниша со време.

-  Немојте да се однесувате дека се работи само за вас, или пак вие сте несреќна жртва, а тој криминалец. Немојте да се натпреварувате кој повеќе ќе се пожали на сметка на другиот... тоа никаде не води. Обидете се да покажете разбирање под каков притисок се наоѓа и така кавгата ќе се претвори во конструктивен разговор.

Во принцип, наведените сугестии се сведуваат на тоа да се однесувате со саканата личност онака како што вие не би сакале тој да се однесува со вас. Тоа нема секогаш да ви успее, но вреди да се обидете.