„Ти благодарам што се откажа од мене“ – писмо до мажот кој си поигра со моето срце

Ова е за тебе – за мажот кој си поигра со моето срце и ми покажа каква може да биде вистинската љубов.

Кога бев зафатена грижејќи се за тебе, ти дури не ни помислуваше на мене. Ми покажа лажен свет, а јас верував во твоите лаги.

Но, сега ја знам вистината. Сега знам колку вредам и не дозволувам да патам заради тоа што ме остави.

Всушност, благодарна сум ти за тоа. Твојата постапка ме научи на многу работи...

Ти благодарам што си поигра со мене. Пред тебе, земав сè при срце. Го гледав светот низ розови очила и не замерував за ништо, мислејќи дека љубовта е секогаш совршена. Но, ми ја покажа горката страна на животот и тажната страна на љубовта. Ми покажа дека не треба да верувам секому и ми докажа дека луѓето можат да бидат злобни.

Ти благодарам што ме лажеше. Пред тебе, бев личност која никогаш не ги гледа туѓите грешки и лоши постапки. Верував во совршениот свет и секој пат „паѓав“ на лажните изговори. Ти простував, затоа што верував дека не можеш да ме излажеш. Но ти благодарам што ми го докажа спротивното. Сега знам дека луѓето имаат две страни и не верувам во никого. Размислувам повеќе од двапати пред да поверувам во нешто што кажуваат луѓето.

Ти благодарам што им даде приоритет на твоите потреби пред моите. Секогаш бев твојот втор избор и наоѓав стотици начини како да ти го привлечам вниманието. Секогаш се чувствував како да морам да се натпреварувам за да го добијам местото што го заслужувам. Ти благодарам за тоа. Заради тоа што ми го направи, научив да се борам со други работи во животот. Тоа ми беше од голема помош.

Ти благодарам што ме научи дека единствената личност на која можам да се потпрам сум самата јас. Порано, секогаш сакав да имам некој покрај мене, дури и ако одам на шопинг. Но, ми покажа како да застанам сама на нозе. Ти никогаш не беше тука за мене кога ми требаше и секогаш морав сама да ги правам работите. Па, сега знам дека јас сум единствената личност на која можам да се потпрам и ти благодарам што ме научи на таа лекција.

Ти благодарам што се откажа од мене! Сега се чувствувам целосно и исполнето. Уживам во животот максимално. Ти благодарам.

Извор