Зошто се жртвуваме кога сме во врска и кога е оправдано?

Жртвувањето за партнерот е дел од секоја врска. Подготвеноста да се жртвува за партнерот за некои луѓе служи како доказ за љубов. Но, кои се вистинските причини зошто се жртвуваме?

Жртвување од погрешни причини може да доведе до расправии и раскинување на врските.

Дали жртвување по секоја цена е израз на љубов? Кои се вистинските причини за жртвување во врските?

Исправни причини за жртвување во врската

Кога постои искрена и реална причина да се жртвувате за вашиот партнер, за да го направите посреќен и да инвестирате во иднината на вашиот однос, вие лично ќе имате голема корист од тоа.

Луѓето кои се жртвуваат од овие причини се посреќни и позадоволни од нивната врска. Но проблемот се јавува ако го направите тоа по цена на сопствената среќа.

Вашата намера може да биде добра. Сакате да бидете добар партнер и да му угодувате на партнерот, но ако го правите тоа често и се запоставувате себеси и вашите потреби, вашата самодоверба ќе падне и ќе бидете несреќни. Ова пак ќе влијае на вашиот партнер и ќе направи повеќе штета отколку добро.

Погрешни причини за жртвување во врската

Од друга страна, можно е вашата искрена причина за жртвување да биде избегнување на дискусии и кавги.

Го правите она што го сака вашиот партнер, без разлика дали се согласувате да гледате филм во кино или да не одите надвор затоа што вашиот партнер има семеен ручек, само за да не мора да разговарате и да донесувате одлуки.

Луѓето кои се жртвуваат од овие причини се помалку среќни и помалку задоволни од врската. Исто така, можеби мислите дека не е важно дали сте во право, бидејќи партнерот ќе биде задоволен и со тоа вашата жртва ќе има смисла.

Луѓето што знаат дека причината за нивното жртвување е избегнување на конфронтација, се помалку задоволни од врската. Освен тоа, ако се согласите на жртвување за да му докажете на партнерот “колку сте прекрасни и секогаш се жртвувате за него / неа“, можеби ќе го навредите вашиот партнер.

Потенцијално најлошата причина за жртвување во врската е да очекувате дека оваа концесија ќе ви биде вратена.

Сепак, неопходно е да се потенцираат разликите помеѓу луѓето и различните причини за жртвување. Не сме сите алтруисти, а ако партнерот не возврати на вашето жртвување во иста мера не значи дека не ве сака.

Затоа е важно да се знаат вистинските причини за ова, дали се исправни или погрешни, себични или несебични. На овој начин ќе знаете и каде стоите емотивно во вашата врска и дали истата заслужува да биде жртвувана или да се жртвувате за неа.

Ашера | Црнобело