Виновни? Извинете се!

Ретко кој секогаш е подготвен да се извини. Некогаш треба да се извините затоа што не за џабе велат дека тоа е магичниот збор кој ги решава проблемите.

 

Како да се извините на партнерот/ партнерката? 

1. Парафразирајте го она што ви го рекле - тоа остава впечаток дека навистина сте го слушале разговорот.

Да се рече нешто во стилот „Лут си бидејќи потрошив пари на уште едно чевли, а се противев кога ти сакаше да купиш нов модел на мобилен телефон, го разбирам тоа“ е поефикасно отколку само да потврдувате климајки со главата додека тој зборува.

2. Не вовлекувајте теми кои немаат врска со предметот на расправа. Сите сме виделе таква постапка, ќе се скарате за една работа, а таа/тој ќе ви одговори со: „Навистина? А ти без прашање го зема мојот џенмпер и го врати по три недели!“

Каква врска има тој џемпер со актуелната кавга? Со тоа не се решава ништо, само се продолжува агонијата за двајцата.

3. Ставете му до знаење дека работите ќе се сменат. Кога ќе се скарате со пријателка, тоа може да се заврши со прегратка, но мажите често сакаат проблемот да се реши, па затоа ставете му до знаење дека планирате да работите на тоа.

4. Немојте да се навраќате на стара кавга. Неколку дена по вашето извинување и мирење ќе се сетите за некои контра аргументи... леле зошто не се сетив порано!

Повторното започнување на караница која треба да е веќе решена, ќе отвори, фигуративно речено, рани кои само што почнале да заздравуваат. Немојте.

Од оној момент кога ќе сакате секогаш да сте во право и  да ви е важно кој ќе победи на крајот, тоа повеќе не е љубов.