Јасно и гласно - Фрази што жените сакаат да ги слушнат за време на секс

И зборовите можат да бидат моќен афродизијак во кревет. 

Секој има свои желби кога станува збор за водење љубов, но овие пет фрази без сомнение ќе ги одобрат повеќето жени (секако може да ги приспособите на вашиот стил на зборување и секси речник).

„Кажи ми што сакаш“

Митот дека мажите треба да ни ги читаат мислите кога станува збор за водење љубов е одамна заборавен. Ако сакаме нешто, тогаш мораме да го кажеме истото.

Уште подобро е кога мажот покажува интерес за задоволството на партнерката.

„Да, имам кондом“

Самосвесните жени сами ќе се грижат за контрацепција. Но, секогаш сакаат да знаат дека нивниот партнер е свесен за важноста на одговорното сексуално однесување.

„Дали го сакаш тоа што го правам?“

Повеќето срамежливи жени можеби нема веднаш да го известат својот партнер што најмногу сакаат. Затоа, ова едноставно прашање може да биде ефикасен начин мажот да открие дали жената се чувствува добро или не.

„Го сакам твоето…“

Сите понекогаш се чувствуваме несигурно додека водиме љубов, затоа е секогаш убаво да се слушне што најмногу сака нашиот партнер кај нас. Таквиот искрен комплимент во интимен момент го крева чувството на доверба кај жените.

„Фантастична си“

Мажите сакаат кога жените ги фалат нивните сексуални вештини, но и мажите треба да ги фалат сексуалните вештини на нивните партнерки. Квалитетниот секс е двонасочен процес, со кој мора да управува еднаквоста.

Ашера | Црнобело