Кога да избегнувате секс?

Постојат многу текстови кои одговараат на прашањето: „А зошто не и тогаш?“,  текстови за тоа како треба да прифатите секс и во некои традиционално...

 

...ситуации бидејќи водењето љубов ќе ви помогне подобро да се чувствувате, подобро да заспиете по напорниот ден, да ви помине главоболката...

Сепак, постојат и ситуации во кои навистина е подобро да го „прескокнете“ сексот или да бидете дополнително внимателни.

Еве за кои ситуации зборуваме:

1. Доколку утредента одите на гинеколошки преглед, добро би било да се воздржите од секс 24 часа пред прегледот. Семената и вагиналната течност може да се задржат на грлото и околу него, така што може да попречат на некои анализи на пример Пап-тест. Ако резултатите не се сигурни, зошто воопшто сте се изложувале на непријатноста на прегледот?

2. Инфекција на уринарниот тракт: доколку имате инфекција на мочните патишта, би требало д апочекате додека потполно не оздравите и тоа од повеќе причини. Партнерот ќе го заштитите со тоа што ќе го убедите да користи кондом, но бактериите во вашиот организам би можеле да навлезат во уретерот и мочниот меур, а со тоа само ќе си направите компликации. Покрај тоа, ако се работи за посериозна инфекција и самиот однос ќе биде болен.

3. Габична инфекција: и овде партнерот ќе го заштитите со употреба на кондом, но сепак не можете да се заштитите себеси од влошување на симптомите. Имено најчести симптоми на габичните инфекции се чешање, воспалување на вулвата, а сексуалниот контакт би можел само да ги зајакне.

4. Настинка или грип: во ваква ситуација сексот не е во потполност забранет и може да ви помогне да оздравите. Сепак мора да внимавате да не му ја пренесете болеста на партнерот...и се разбира, без бакнување!