Фејсбук и љубовниот живот

Фејсбук е одлична платформа за запознавање, но донесе и некои проблеми кои порано не сме ги имале. Некогаш се разменуваа телефони, а денес...

...е доволно да се праша „Дали си на Фејсбук?“.

Неколку минути подоцна личноста која штотуку сме ја запознале е нашиот нов „пријател“, а меѓусебното разгледување на слики и стари стауси може да отпочне.

Од нова врска нè дели само мала порака „на ѕидот“ или во виртуелното сандаче. Но, љубовта во времето на фејсбук има и лоши страни.

Ова се неколку интересни факти за Фејсбук и љубовта:

• Фејсбук ја потикнува љубомората. За сомничавте, особено за жените, Фејсбук е вистински рај за шпионирање. Редовно се пребаруваат „ѕидовите“, се прави попис на пријателите и на последните активности на партнерот. Со малку среќа можеме да ја добиеме и лозинката.

• Фејсбук можеме да го искористиме и за да го направиме партнерот љубоморен. Некои жени на машките пријатели им паќаат двосмислени пораки за да го направат љубоморен избраникот и да го поттикнат на лов.

• Статистиките покажуваат дека секој десети корисник на Фејсбук го запознал идниот сексуален партнер.

• Голем проблем на мрежата од преку 500 милиони корисници преставуваат бившите љубовни партнери. Што да се направи по раскинувањето? Да се избрише бившиот дечко/девојка? Да се избришат заедничките фотографии? Зукерберг до сега не понудил решение за овој проблем.

• Веќе месец дена сме заедно, а сè уште не го сменил статусот на Фејсбук од „слободен(а)“ во „во врска“? Главоболка, жалење на пријателите и расправии со партнерот.

• Секој десети американски тинејџер барем една врска прекинал на Фејсбук. И тоа не со пристојна порака, туку со менување на статусот од „во врска“ во „слободен/а“

Препознавте ли некој од проблемите? Сте искусиле ли нешто од ова и на своја кожа? Слободно кажете ни во коментарите.