Дали сте идеален маж?

Секој маж кој е во брак од време на време треба да се запраша дали за себе смета дека е добар маж. Одговорот најлесно ќе се добие ако се проучи однесувањето...

...на подубавата половина. Ако таа постојано нешто критикува, значи дека правите грешка во чекори. Со други зборови, иамте жолт картон и треба да превземете мерки за да не добиете црвен.

Не е тешко да бидете идеален маж, но некои работи едноставно мораат да се почитуваат: негување на заедничките интереси, средување на сопствениот неред, одвојувње на време кое ќе биде само за вас, грижа за децата....

Сетете се што сте имале заедничко пред бракот, а сигурно имало многу работи штом сте се одлучиле на тој чекор. Трудете се да ја зајакнете кариката што ве спојува.

Отпатувајте на омилената заедничка дестинација (која и не мора д ае некое прескапо егзотично место) отидете на забава, ресторан, театар, кино, рекреирајте се заедно, шетајте, запишете курс по танц, готвење, сликање....

Многу е важно да негуватезаеднички интереси, бидејќи од тоа сојузништво подоцна ќе ја црпите силата за најтешките моменти во животот. Суштината на разбирањето во бракот секако лежи во тоа да се признае грешката. А за извинување не ви е потребно ништо освен добра воља, иако на многумина тешко им паѓа такво признание.

Без разлика на тоа колку обврски имате во текот на денот, секогаш можете да одвоите барем 15 минути кои што ќе ги поминете ислкучиво со својата сопруга.

Ако поминувате многу време надвор од дома, тогаш настојувајте барем заедно да уживате во утринското кафе, или појадок. Доколку работите блиску до дома, или пак до нејзиното работно место, искористете ја паузата за „блиц средба“ со сопругата.

Во вечерните часови разменете ги впечатоците од денот кој изминал. Зборувајте за децата, палновите што ги имате. Немојте никогаш да заборавите на својот брак да му посветите онолку време колку што му посветува вашата сопруга.