Добар поглед на врската

Кога станува збор за започнување врска, може да се каже дека сè зависи од трик прашања и давање што побрзи одговори. За да започне врската...

...а подоцна и да опстои, се чини дека е неопходно да се тргнат дилемите кои ни го спречуваат добриот поглед на она што всушност ни се случува во даден момент. Зошто?

Затоа што сакаме да уживаме до максимум. Некои правила сепак постојат и треба да се почитуваат.

Знаете ли кога можете да се забавувате со девојка која е пријателка со вашата бивша? Дали е претерано да се подготви појадок за девојка која ви била само партнерка во незадолжителен секс? Дали се грижите за првиот впечаток?

Што се однесува до првото прашање, за да задржите имиџ на добро момче, морате да почекате барем шест месеци до година дена по раскинувањето. Да, тоа звучи како многу време и она што сите го бараме е заобиколен начин.

Среќна околност е што тој постои. Ако мислите дека чувствата се взаемни, признајте и ги своите, но додајте и дека мислите дека не треба да се брза. Во суштина, не е проблем да се смува другарката, проблем е како тоа ќе го поднесе вашата бивша. Тука единствен сојузник ви е времето и евентуалниот факт дека таа побргу од вас ќе влета во нова врска.

Што се однесува до појадокот по незадолжителен секс, теоретски, палачинки со чоколаден прелив по бурна ноќ звучат совршено. Во реалноста работите изгледаат поинаку. Пред сè девојката што ви се нашла во кревет воопшто не ја познавате и тоа до таа мерка што секое прашање би било неумесно. Претходната вечер, додека сте биле без облека, сè одело како што треба, но изутрина...

Покрај тоа врските за една ноќ имаат право да бидат грешка. Сè се случува така бргу, па е потребно неколку дена да сфатите дали привлечноста е вистинска. На крај, секогаш се враќаме на темата... првиот впечаток. Тој е важен, но не е единствен. Ако треба да се признае грешка, признајте ја. Тоа признание покажува дека сте внимателни и воспитани. Прашајте ја дали можете да почнете од почеток. Жените многу често тоа го сметаат за шармантно.