„Мојата партнерка не сака секс толку често како пред пандемијата, што да правам?“

„Од почетокот на пандемијата оваа 2020-та година мојата девојка и јас имаме секс помалку од порано. Пред тоа имавме секс по 4 пати неделно, но работите се променија…“, еден маж ја започнува својата исповед за Insider.

Во серијалот прашања на Insider на тема секс проблеми пристигна ова:

„Од почетокот на пандемијата оваа 2020-та година мојата девојка и јас имаме секс помалку од порано. Пред тоа имавме секс по 4 пати неделно, но работите се променија и сега дури не се чувствувам добредојдено во нашиот дом.

Дали треба да се отселам? Дали треба да си пронајдам некој нов за секс?“

Каков совет доби овој маж од секс терапевтот на Insider?

„Никогаш не треба да се чувствуваш недобредојдено во својот дом, особено кога го делиш со некој што го сакаш.

Исто така, не мислам дека имањето повеќе секс со твојата партнерка или задоволувањето на сексуалните потреби надвор ќе стави крај на емоциите што ги чувствуваш. Не е сѐ до физичката интимност, потребна е и емоционална блискост.

Мора да зборуваш со твојата девојка за недостигот од секс што го чувствуваш.

Но, пред да го сториш тоа запомни дека 2020-та беше многу стресна година и дека стресот може да ја намали желбата за секс. Тоа не значи дека треба да имаш помалку секс од што сакаш, туку е фактор на кој треба да сметаш додека разговараш со твојата партнерка.

Фокусирај се на тоа како лично те погодува ситуацијата низ која минувате. Потоа, понуди решенија како заедно би можеле да ја надминете ситуацијата.

Те советувам да пристапиш без осудување, его и фрустрации, туку со љубов и желба да бидете повторно блиски како некогаш.

Прашај ја партнерката дали има нешто што ѝ недостига во сексуалниот живот, нешто што би ја возбудило и би ја направило позаинтересирана за да бидете интимни и кажи ѝ колку често ти би сакал да имате секс. Можеби и таа е незадоволна на темата, можеби сака повеќе квалитетно време со тебе или има желба да проба нешто ново во спалната.

Иако можеби нема да имате повторно 4 пати неделно секс како некогаш, голема е веројатноста дека врската ќе ви се зајакне затоа што конечно ќе почнете отворено да зборувате за тоа.“

С. С. | Црнобело / Фото: depositphoto.com