„Мама беше во право“ и уште 7 реченици кои ви ја водат врската во пропаст

Постојат многу навредливи фрази кои може да ја уништат и најздравата и стабилна врска, па треба да бидете внимателни со зборовите.

Ова се неколку такви реченици, кои ниту еден од партнерите не сака да ги слушне и само водат кон крај:

„Полош/а си од...“

Секоја споредба, посебно во негативна конотација, не може да има добар ефект. Ќе резултира со одбивност, кавги и пасивна агресија.

„Нема да успееш, подобро не почнувај“

Комплетно непотребен коментар, за што било и да се работи. Кога ја кажувате оваа фраза, не само што признавате дека не ја сакате личноста, туку и сметате дека не е способна за убави нешта.

„Ти реков...“

Колку и да сте го предвидиле крајниот резултат, не е ваше да го истакнете. Бидете емпатични.

„Мама беше во право за тебе“

Дури и да ја имате најдобрата мајка на светот – оваа реченица е погрешна од толку многу причини.

„Ме нервира твоето хоби/твојата работа“

Хобито или работата не би требало да се тема на дискусија во врската, бидејќи се индивидуални одлуки.

„Моите другарки/другари не те сакаат“

Не би ни требало да го/ја сакаат. Едноставно, доволно е да ви го почитуваат изборот. Секако, пред тоа да се случи, мора и вие да имате само добри работи за кажување за партнерот/партнерката.

„Не можеш да мислиш сам/а?“

Тоа што партнерот/ката побарал/а мислење или совет не значи дека нема свое мислење. Напротив, треба да го цените она што се бара од вас.

„Не добиваш секс додека јас не добијам (нешто)“

Условувањето со секс е најлошата грешка. Во сексот не би требало да има добитници и губитници.

М. Д. | Црнобело