Тој и таа на летување

Конечно се договоривте: одите на летување! Тој му се радува на одморот и на излежувањето, вишокот на време и енергија за секс, таа има илјада...

...и еден план што сè треба двајцата да прават на летувањето.

Не се оди на летување секој ден – и затоа одморот треба да биде совршен, летување од соништата, од бајките, нешто на што ќе ви позавидуваат и пријателите.

Подготовки за пат: тој купува купаќи, освен ако нема некои стари, а таа оди на депилација, фризер, маникир, педикир, купува нови костуми за капење, секако и торба за на плажа која мора да е во тон со купаќите.

Кога ќе дојде време за пакување, тој ќе спакува минимум од минимумот, или уште помалку од тоа (дали да земе уште едни гаќи...или пак не) – идеално му е ако може сè да собере во најмалата можна торба.

Таа пакува половина гардеробер (нема врска што ќе бидат таму само десет дена, таа ќе понесе 20 маици, нема врска што ќе одат на некое тивко и пусто место, за секој случај ќе го земе малиот црн фустан, нема врска што во хотелот има фен, таа ќе го земе и својот, секако и пегла за коса, подвижна парфимерија....и секако барем шест пара чевли).

Тој не е баш најдобар кога е организацијата во прашање и заборавил да повика такси, па со сите тие куфери и торби што ги носат мора да се малтретираат со градскиот превоз. Сигурно следните 24 часа нема да сака да ја погледне.

Тој би се излежувал на плажа или во хотелска соба. Таа е за сончање, но сака да ги посети и сите туристички знаменитости, да присуствува на сите културни случувања (зошто инаку доаѓале тука, можеле и во некое село да отидат), да ги посети сите изложби и музеи...

Дури ни на летување не престанува кавгата околу далечинското: тој сака да изгледа некој натпревар, а таа некоја реприза од омилена сапуница (за да го утврди материјалот).

Што ќе се случи на крајот? На крајот по некоја врска ќе „пукне“ баш на летувањето, затоа што и тоа е некоја мини проба за заедничко живеење.

Сепак, најчесто крајот е среќен – двајцата се враќаат дома со најразлични сувенири и уште поубава и поцврста врска.

Какво е вашето искуство со летување во пар? Секогаш ли ви бил крајот среќен?