Зошто сексот после кавга е толку добар за некои парови? (18+)

Речиси секоја кавга меѓу главните протагонисти во холивудските филмови се завршува со „жежок“ секс. Но, по сè изгледа ова не е мит што е ексклузивен само за филмовите, туку сексот по кавга е мошне популарен и во реалниот живот.

Најдоброто нешто по секоја кавга со партнерот е тоа што знаете дека подоцна ќе се прегрнете и ќе се смирите.

Но, зошто многумина сметаат дека сексот по кавга е најдобар и што е она што го прави ова интимно доживување поразлично од сите други?

Хормони

Доколку за време на кавгата сте исполнети со „негативни“ хормони, по сексот се зголемува нивото на „позитивни“ хормони.

Нивото на хормоните тестостерон, адреналин и кортизол, расте кога влегуваме во конфликтна ситуација, особено ако се расправаме со луѓе што ни се драги.

Кортизолот е познат и како „хормон на стресот“ и тој го зголемува биењето на срцето и крвниот притисок, а при расправија прави вашето тело да бара блискост што може да се постигне само со сексот.

Оргазмот во вас ослободува сератонин, допамин, адреналин и окситоцин (хормонот на љубовта) поради што веднаш се чувствувате подобро, исто како да сте добиле некој убав подарок.

Еволуција

Тоа што бурната расправија сте ја завршиле со интимен чин ви помага да се „растоварите“ од стресот.

Доколку се чувствувате загрижени за време на кавгата, по сексот се чувствувате задоволни затоа што сте успеале да ги надминете разликите и проблемите.

Се чувствувате дека сте надминале некоја голема пречка и вашето тело има потреба да прослави.

Вознемиреност

Слично како и зголеменото ниво на кортизолот, и вознемиреноста го зголемува отчукувањето на срцето, го забрзува дишењето и го засилува крвниот притисок, а со тоа испраќа информации и до нервниот систем.

Телото може да ја преведе вознемиреноста како возбуда и да ве направи помотивирани за какво било дејствие, па и за интимен однос.

Справување со траумите

Некои луѓе едноставно преку сексот се справуваат со траумите. Психолошки, кога се расправаат, двојките честопати активираат дел од нивната меморија што се поврзува со стравот и несигурноста.

Преку сексот овие луѓе успеваат да се чувствуваат побезбедно и позаштитено.

Сексот по кавга едноставно е неверојатен

По кавга сексот на многумина им се чини неповторлив, поради забрзаното дишење, но и засилените чувства.

На некои луѓе особено им се допаѓа брзата промена на емоциите што ги доживуваат за време на кавгата, а и потоа за време на сексуалниот чин.

Се чини дека интимниот чин е поагресивен, почнува најчесто со чувство на гнев и бес, а полека преминува во страст и љубов.

Б. С. Б. | Црнобело